E fundit!

13:19 Kronika

Viktima e dytë nga mot i keq/ Mbytet peshkatari në Ksamil

Shtetasi M.H 61-vjeç, peshkatar është gjetur i pajetë në a...

Itali/ Muaji shtator nis keq për narkotrafikantët shqiptarë

2 Shtator 2017, 14:44, Aktualitet CNA

2340 Kg. kanabis
Dita e parë e shtatorit u mbyll keq për narkosët shqiptarë, sepse financierët e Portit të San Bebedetos në Itali kapën në tokë e në det 2 340 Kg. kanabis. U kap gjithashtu një furgon me rreth 20 bidona me benzinë, që do shërbenin për rrugën e kthimit të skafit të drogës. U arrestua një italian R. A. 63 vjecar dhe një shqiptar K.D. 24 vjecar, që po transportonin me furgon një pjesë të kanabisit të kapur. Skafi, që transportoi kanabisin u ndoq nga anijet e financës italaine deri në kufirin e ujërave territoriale kroate. Roja bregdetare kroate nxorri në det një anije patrulluese të klasit ?Mirna? (e modernizuar) për të kapur skafin e narkosve shqiptarë.

1 135 gram kokainë
Policia rrugore e qytetit Forli ndaloi në autostradë një Fiat Punto me shofer një 27 vjevcar shqiptar. Shoferi shqiptar, pasi ndaloi makinën tentoi të largohej me vrap. Pas një ndjekje të shkurtër ai bllokohet nga policët. Ju nënshtrua kontrollit trupor dhe ju zbuluan 1 135 gramë kokainë të ambalazhuara me qese plasmasi dhe të fashuara në trup me letër ngjitëse.

5 Kg. marijuanë
Karabinierët e Riminit kontrolluan një punishte pelleti druri për ngrohje. Në punishte u zbuluan 5 Kg. marijuanë. Marijuana i përkiste një shqiptari me precedentë penalë, 50 vjecarit me inicialet Z. A. Gjatë kontrollit karabinierët gjetën edhe 550 euro të dyshuara si fryt i shpërndarjes së drogës. U gjet edhe tyta e një karabine kalibër 22, e cila rezultoi e vjedhur në një banesë në Republikën e San Marinos. Karabinierët e arrestuan Z. A. në kushtet e flagrancës.

Minimarket droge: 332 gramë kokainë , 143 gramë hashash?
Antidroga e qytetit të Varezes kontrolloi banseën e një cifti shqiptaro italian (bashkëshorti shqiptar 35 vjec dhe e shoqja italiane 23 vjece). Në bodrum zbuluan një minimarket droge. U sekuestruan 332 gramë kokainë, 144 gramë hashish, 4 gramë marijuanë si edhe 13 cigare me ?bar? të gatshme për t?u pirë. U sekuestruan edhe 12 000 euro kesh sit të dyshuara të fituara nga shitja e drogës. Cifti italo-shqiptar u arrestua në kushtet e flagrancës, ndonëse kishin një bebe të lindur pak muaj më parë.

Leonardi arrestohet me 260 gramë marijuanë
Leonard Ivanaj 25 vjec u arrestua në orët e para të mëngjesit të 1 shattorit në Stacionin hekurudhor të Triestes. Atij ju kapën në trup 100 gramë marijuanë. Gjatë kontrollit të banesës ju kapën edhe 160 gramë marijuanë të fshehura në një valixhe me rrota. Pas arrestimit Leonardi u dërgu në Burgun e Triestes e më pas përfundoi në arrest shtëpie. /Nga GJERGJ THANASI