E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Muajt e ngujimit në çadër/ A morën para deputetët e opozitës?

2 Shtator 2017, 11:17, Aktualitet CNA

Ditën e sotme është publikuar në media lista e deputetëve të PD-së, të cilët kanë marrë paga dhe dieta përgjatë muajve të qëndrimit në çadër.

Në fakt, po ti referohesh arkivit, do të konstatosh se lajmi me po të njejtën përmbajtje është publikuar edhe në datën 29 maj 2017. Ai flet lidhur me këto dieta dhe para që deputetet kanë marrë nga Kuvendi, ndërsa sot është rikthyer sërish nga gazeta “Shqiptarja.com”, këtë herë me listën e fotografuar.

Bazuar në këtë liste rezulton se deputetët e PD-së kanë marrë paga për muajin mars ndërsa ata kanë qenë të ngujuar në çadër. Mirëpo vetëm dy ditë më parë gazeta ka publikuar lajmërimin e Kuvendit për këtë periudhë mujore lidhur me pagesat e kryera ndaj deputetëve.

?Në raportin e monitorimit të buxhetit për vitin 2017, Kuvendi thekson se për 4-mujorin e parë ishte parashikuar një fond 116 milionë lekësh për paga, por është realizuar vetëm në shifrën prej 88 për qind.Deputetët e Partisë Demokratike në 3 muaj bojkot, jo vetëm kanë humbur pagesat që iu akordohen për veprimtaritë parlamentare, si 2 mijë lekë për çdo pjesëmarrje në komision apo dhe pagesa shtesë të tjera, por nuk janë paguar as për ditët e punës. Sipas raportit, Kuvendi nuk ka kursyer vetëm në pagat e deputetëve, por edhe në shpenzimet e tjera, përfshirë ato administrative. Për vitin 2017, janë planifikuar fonde për paga për një numër prej 405 personash, ku përfshihet stafi politik, përfshirë dhe stafin e zyrave zgjedhore në rrethe. Janë rreth 17 milionë lekë të kursyera, përfshirë paga dhe kontribut të sigurimeve shoqërore për këto kategori. Si rezultat i mosplotësimit të vendeve vakante, të moshapjes së zyrave zgjedhore në disa qarqe, për shkak të mosbashkëpunimit të disa organeve lokale, kalimi i disa deputetëve në funksionin e ministrit etj. apo punonjës me leje lindjeje, fondi i pagave për t?u kërkuar shtesë në buxhet është më i ulët se efekti bruto që është llogaritur”, shkruante gazeta në fjalë dy ditë më parë.

Tashmë nuk dihet kë të besojmë. Kuvendin apo median e shkruar? Sepse një tjetër version ka dhënë Kuvendi dhe një tjetër shtypi i shkruar. /CityNews