web counter
LEXO PA REKLAMA!

SHKARKO APP

App Store
Google Play

Takimi Thaçi-Vuçiç/ Mogherini konfirmon arritjen e marrëveshjes

31 Gusht 2017, 11:34, Aktualitet CNA

Presidentët e Kosovës dhe të Serbisë, Hashim Thaçi dhe Aleksandar Vuçiq, janë takuan sot në Bruksel, me ndërmjetësimin e shefes për Politikë të Jashtëme të Bashkimit Evropian, Federica Mogherini.

Ndërsa pas përfundimit të takimit dy presidentët i pohuan medias së interesuar arritjen e një marrëveshje që i hap rrugë të ardhmes së marrëdhënieve midis dy shteteve, edhe Federica Mogherini ka lëshuar një deklaratë për mediat me të njejtën përmbajtje pozitive.

“Presidentët konfirmuan se marrëveshja do të zbatohet plotësisht më 17 tetor, 2017. Atë ditë, gjykatësit, prokurorët dhe stafi gjyqësor do të integrohen në Gjyqësorin e Kosovës. Integrimi i personelit gjyqësor do të mundësojë drejtësi në gjithë Kosovën, në veçanti në rajonin e Mitrovicës”, ka thenë Mogherini.

Takimi i sotëm midis dy presidentëve vjen pas atij të 03 korrikut, në të cilin Thaçi dhe Vuçiq kanë pohuar se kanë rënë dakord që bisedimet të hyjnë në një periudhë të re, për të trajtuar çështje përtej atyre teknike, çka do të çojë në pajtimin e dy vendeve dhe do t?i hapë rrugë së ardhmes evropiane.

Kujtojmë se Kosova dhe Serbia e kanë arritur marrëveshjen e parë për normalizimin e marrëdhënieve në prill të vitit 2013. Sikurse komenton ?Rel? qëllimi përfundimtar i këtij dialogu nuk dihet, pasi Kosova vazhdon të figurojë në Kushtetutën serbe si ?pjesë e Serbisë?, ndonëse Vuçiq ka thënë se po shqyrton mundësinë e ndryshimeve kushtetuese deri në fund të këtij viti.

Megjithatë, analistët në Prishtinë nuk presin që në një afat të shkurtër kohor të ndodhë ndonjë kthesë e madhe, që si rezultat do të sillte njohjen e shtetësisë së Kosovës nga ana e Serbisë.





Lajmet e fundit nga