LEXO PA REKLAMA!

SHKARKO APP

Video-Policia aksion masiv në bregdet/ Kapen 40 persona dhe sekuestrohen 1000 kg drogë

31 Gusht 2017, 11:06, Aktualitet CNA

Policia e Shtetit ka kryer një operacion masiv për kontrollin e zonës bregdetare, me qëllim evidentimin dhe goditjen e trafikut të lëndëve narkotike që mund të kryhen nëpërmjet kufirit detar.

Operacioni po zhvillohet nga toka, deti dhe ajri, duke koordinuar veprimet midis forcave pjesëmarrëse në operacion, ndërsa është i shtrirë nga Grykëderdhja e lumit Buna në Shkodër deri në Kepin e Qefalit – Butrint.

Në këtë aksion janë përfshirë 1140 forca policore, 10 mjete lundrues, 30 automjete si dhe helikopteri i policisë.

Gjatë operacionit janë sekuestruar rreth 900 kilogramë lëndë narkotike Cannabis Sativa, 102.4 gramë lëndë e dyshuar Kokainë, si dhe janë arrestuar 8 persona për trafik të lëndëve narkotike.

Ndërkohë që janë kapur 32 persona në kërkim, janë sekuestruar dy mjete lundruese pa dokumentacion, 6 armë zjarri, 2987 fishekë.

Operacioni policor po kryhet në gjithë zonën bregdetare të vendit tonë dhe në hapësirën detare, në rrugët nacionale dhe rurale që të çojnë në bregdet dhe në Pikat e Kalimit Kufitar dhe pritet të përfundojë mbrëmjen e sotme./CityNews

Lajmet e fundit nga