web counter
LEXO PA REKLAMA!

SHKARKO APP

App Store
Google Play

Çfarë kërkon Bashkimi Europian nga qeveria Rama 2

26 Gusht 2017, 17:03, Aktualitet CNA

Përveç zbatimit te Reformës në Drejtësi, luftës kundër drogës, çështjes se ndalimit të azilkërkuesve, Bashkimi Europian (BE) pret nga qeveria ?Rama 2? të nisë luftën ndaj pushtetarëve të korruptuar. Reforma në Drejtësi është kushti kryesor i BE për vendin tone, gjë që e ka konfirmuar edhe zëdhënësja e këtij organizmi presticioz, Maja Koçijançiç, citon gazeta ?Sot?, duke vijuar të thotë se: nga Brukseli ajo deklaroi se Aeveria e re duhet të fokusohet tek zbatimi i Reformës në Drejtësi e në mënyrë specifike tek procesi i vettingut, specifikisht tek largimi i të korruptuarve nga gjykatat, prokuroritë dhe politika.

?Tani ne presim një qeveri që të angazhohet fort për ta çuar vendin përpara në rrugën e integrimit përmes përpjekjeve të qëndrueshme për reforma. Qeveria e re, veçanërisht, duhet të përqendrohet tek zbatimi i Reformës në Drejtësi dhe procesi i vettingut, që është thelbësor në luftën kundër krimit të organizuar dhe korrupsionit. Qeveria e re duhet gjithashtu të fokusohet në mënyrë më efektive në luftën kundër trafikut të drogës dhe kultivimit dhe përtej kuadrit të 5 prioriteteve kyçe, të trajtojë edhe çështjen e aplikimeve dukshëm të pabazuara për azil nga qytetarët shqiptarë në vendet anëtare të Bashkimit Europian dhe në vendet që janë pjesë e Shengenit?, ka nënvizuar Koçijançiç. /CityNews





Lajmet e fundit nga