web counter
LEXO PA REKLAMA!

SHKARKO APP

App Store
Google Play

Ish-deputeti i PS sulmon ashpër Bashën/I paaftë, bërtet se u prish pazari i 18 majit!

18 Gusht 2017, 12:16, Aktualitet CNA

Kreu i partisë ?Zgjidhja?, Koço Kokëdhima, ka reaguar pas deklaratës së kreut demokrat, Lulzim Basha, për raportin e zgjedhjeve.

Në rrjetet sociale, Kokëdhima shkruan se Basha u bë me Ramën në zgjedhje dhe tani ankohet se PS i vodhi ato.

Më tej, ai hedh dyshimet e prishjes së pazarit të 18 majit, duke shtuar se ndaj po bërtet Basha, pasi heshti deri tani.

Reagimi i plotë:

Basha u bë me Ramën në zgjedhje, tani ankohet se PS i vodhi ato
Lulzim Basha deklaroi sot se:
?Zgjedhjet u dhunuan dhe manipuluan nga Edi Rama dhe makineria e tij e pushtetit e ndihmuar nga krimi i organizuar dhe paratë e drogës dhe të korrupsionit”!!
Flet kështu ai dhe PD-ja që bashkëpunuan me Ramën dhe Rilindjen për të realizuar dhe legjitimuar zgjedhjet e 25 Qershorit ku ?makineria e pushtetit? së bashku me krimin e organizuar vunë në “punë” miliardat e drogës dhe korrupsionit.
Pas zgjedhjeve PD-ja heshti. Tani që, me sa duket, është prishur pazari i 18 Majit, Basha bërtet për një gjë që ZGJIDHJA e paralajmëroi dhe denoncoi përpara, gjatë dhe pas zgjedhjeve në fjalë.
Vendi është në rrezik! Ai është kapur nga një klan qeverisës i kriminalizuar, mafioz dhe i korruptuar deri në palcë.
“Opozita zyrtare? është e paaftë, por edhe pjesë integrale e kësaj elite të kalbur politike që për më shumë se dy dekada, e ka rreshtuar Shqipërinë mes vendeve më të varfra dhe më të korruptuara të botës, më keq se shumica dërmuese e vendeve afrikane të botës së tretë.
ZGJIDHJA është e vetmja alternativë për Shqipërinë. Ajo përfaqëson zërin e popullit shqiptar, që kërkon dhe meriton të jetojë normalisht si gjithë vendet e tjera të Europës./CityNews





Lajmet e fundit nga