web counter
LEXO PA REKLAMA!

SHKARKO APP

App Store
Google Play

Grabitje me 1.5 miliardë lekë/Kush janë dy lezhjanët e tmerrshëm (Emrat)

18 Gusht 2017, 12:09, Aktualitet CNA

Policia e Lezhës ka finalizuar me sukses operacionin e koduar ?Hijet?, duke zbardhur të plotë vjedhjen e një muaji më parë.

Uniformat blu kanë identifikuar dhe ndaluar hajdutët e 25 aparateve fotografikë profesionalë me rreth 1.5 milionë lekë të reja. Gjithashtu, gjatë aksioni janë zbuluar dhe sekuestruar edhe disa aparate të vjedhura.

Si rezultat i tij, u bë e mundur zbardhja dhe dokumentimi ligjor i ngjarjes së ndodhur me datë 17.07.2017, ku në dyqanin e shtetasit A.D. në Lezhë, me anë të thyerjes së dyqanit, janë vjedhur 25 aparatë fotografikë profesionale me vlerë rreth 1.500.000 lekë të reja.

Në vijim të veprimeve hetimore, u identifikuan dhe u ndaluan shtetasit:

– I. M, 27 vjeç, banues në Lezhë
– A. S, 29 vjeç, banues në Lezhë

Këta shtetas, dyshohet se në bashkëpunim me njëri – tjetrin, janë autor të vjedhjes së 25 aparateve fotografikë profesionalë .
Vepra penale në ngarkim të tyre “Vjedhja? e kryer në bashkëpunim” parashikuar nga neni 134/2 i Kodit Penal.

Gjithashtu u proçedua penalisht në gjendje të lirë shtetasi T.F. 27 vjeç , banues në Tiranë, për veprën penale “Përvetësimi i parave ose i mallrave që rrjedhin nga vepra penale ose veprimtari kriminale” parashikuar nga neni 287/b i Kodit Penal.

Vazhdojnë hetimet për dokumentimin e autorësive nëse këta shtetas janë të përfshirë në vepra të tjera kriminale, kryesisht në fushën e vjedhjes.

U gjetën dhe u sekuestruan në cilësinë e proves materiale disa nga aparatet e vjedhur.
Materialet proçeduriale i kaluan Prokurorisë së Rrethit Gjyqësor Lezhë për veprime të mëtejshme./CityNews





Lajmet e fundit nga