web counter
LEXO PA REKLAMA!

SHKARKO APP

App Store
Google Play

Mandija kujtohet pasi jep dorëheqjen/Kallëzim për punësimet gjatë fushatës

18 Gusht 2017, 10:44, Aktualitet CNA

Ish-zëvendëskryeministrja teknike, Ledina Madija, njëherësh drejtuese e Task-Forcës ka bërë sot kallëzim në Prokurori për punësimet gjatë fushatës elektorale.

Mandija ka kallëzuar në Prokurori rastet e punësimeve në shkelje të kodit zgjedhor gjatë fushatës zgjedhore të 25 qershorit. Sipas saj, janë kryer plot 3600 lëvizje në administratë gjatë fushatës.

Reagimi i plotë

Gjatë fushatës zgjedhore sipas të dhënave zyrtare nga ana e organeve tatimore  janë kryer rreth 3600 lëvizje të burimeve njerëzore në administratë publike në kundërshtim me nenin 88 të Kodit Zgjedhor.

Në të gjitha rastet e verifikuara nga Task Forca ka rezultuar që vetdeklarimet nga institucionet e monitoruara kanë qenë të rreme.

Kjo çështje është adresuar në Prokurori që në fillim të muajit korrik nga ZV/Kryeministri, por rezultoi qëzyra e protokollit të Kryeministrisë pa shkak të ligjshëm nuk e kishte dërguar pranë këtij organi.

Pas sqarimit, përfundimisht zyra e protokollit e dërgoi dje  duke i hapur rrugë hetimeve të mëtejshme nga ana e organit të Prokurorisë.

Shqetësimi rreth punësimeve të bëra nga  institucionet shtetërore, ministritë, shoqëritë me kapital 100% shtetëror që janë varësi e ministrive, bashkive për periudhën 25 maj deri me 22 qershor, u ngrit në mbledhjen e pestë të Task Forcës

Referuar informacione të ardhura nga Drejtoria e  përgjithshme e Tatimeve, Task Forca verifikoi punësimin gjatë periudhës zgjedhore të  3580 punonjësve së administratës të bërë në kundërshtim në kundërshtim ne nenin 88 të Kodit Zgjedhor, me Urdhrin të Kryeministrit nr.65 si dhe me  Vendimin nr.473 të Këshillit të Ministrave./CityNews





Lajmet e fundit nga