web counter
LEXO PA REKLAMA!

SHKARKO APP

App Store
Google Play

E fundit!

x

Një sëmundje infektive po kalon nga kafsha te njeriu/Alarmohen shkodranët, dy të vdekur

27 Korrik 2017, 08:49, Aktualitet CNA

Dy persona kanë ndërruar jetë si pasojë e një sëmundje infektive, e cila ka të njëjta simptoma me virozat e stinës, por nuk është e tillë.

Bëhet fjalë për babë e bir nga Gostivari. Ata kanë ndërruar jetë në spitalin e Shkupit brenda 2 ditësh për shkak të kësaj sëmundje, e cila sipas ekspertëve po kalon nga kafsha te njeriu.

Mediat kanë raportuar se të tilla raste me të njëjtat simptoma janë paraqitur edhe në vende të tjera, ndërkohë një qytetar nga Shkodra, ditën e sotme, i cili ka shkruar pranë JOQ, ka treguar një rast tjetër të ngjashëm.

Ai ka thënë se nga kjo sëmundje po preken edhe qytetarët shkodranë dhe për ta vërtetuar mjafton të shkosh në spital.

Ja çfarë ka shkuar qytetari:

Po ju shkruaj pasi jam shumë i shqetësuar. Unë banoj në Shkodër dhe ka rreth një javë që në qarkun e Shkodrës shumë njerëz i drejtohen spitalit rajonal me të vjella, diarre dhe me temperaturë. Lexova për një rast që paskan vdekur dy persona në Gostivar me të njëjtat simptoma dhe mjekët e paskan quajtur virozë që mendohet që transmetohet nga kafshët. Më shqetëson fakti që mediat nuk e bëjnë publike dhe organet kompetente nuk ndërmarrin masat e nevojshme. Po dëgjoj shumë raste që po shkojnë në spital me këto simptoma, sidomos fëmijë. Jam i shqetësuar pasi me këto simptoma kam edhe një të afërm timin dhe nuk di si të veproj”, – shkruan qytetari./CityNews





Lajmet e fundit nga