Klevis Balliu sulmon Lulzim Bashën, por bën gafën e radhës!

27 Korrik 2017, 18:30, Aktualitet CNA

Lulzim Basha zhvilloi ditën e djeshme mbledhjen e parë me grupin e ri parlamentar të Partisë Demokratike. Mbledhja ishte e ?vakët? dhe ku nuk merrnin pjesë më shumë se 30 deputetë të rinj të Lulzim Bashës.

Pjesë e saj ishte dhe një ndër kandidaturat më të kontestuara dhe më të përfolura të Bashës gjatë fushatës zgjedhore, djali i botuesit të ?Gazetës 55?, Fahri Balliu.

Klevis Balliu është zgjedhur deputet në Qarkun e Korçës dhe do të përfaqësojë në sesionin e ri parlamentar qytetarët e Poradecit. Në një reagim pas mbledhjes me Bashën, Balliu ndoshta pa dashur, ose ndoshta dhe nga padija, pasi ai e ka dëshmuar hapur se do të mbahet mend dhe si njeriu i gafave, sulmon kryetarin e tij.

Gjatë fushatës zgjedhore, Klevis Balliu sulmoi jo pak kryebashkiakun e Pogradecit, pa e ditur se ai është i Partisë Demokratike. Ndërsa, ditën e djeshme ai ka sulmuar direkt Lulzim Bashën, teksa flet për një opozitë pa pazare politike.

Në fakt kjo duket të jetë një gënjeshtër e pavlerë e deputetit të ri të Bashës dhe që e bën atë edhe më qesharak, pas marrëveshjes së mbrëmjes së vonë të 18 majit, ku Lulzim Basha dhe Edi Rama shtrënguan publikisht duart pasi qëndruan për orë të tëra të mbyllur në një dhomë të vetëm, ku siç duket ata ?i shprehën dashurinë? njëri-tjetrit për të vijuar së bashku qeverisjen.

Si mundet pra të thuhet opozitë pa pazare, kur Basha i shiti demokratët në një natë, doli nga çadra dhe shiti interesat e tyre?!

Klevis Balliu, erdhi në karrigen e deputetit po me pazare. Kjo opozitë ka fytyrën e pazarit.

Më poshtë, po iu sjellim statusin e plotë të Balliut bërë në rrjetet sociale, një ditë më parë:

Opozitë pa pazare politike! Sot mora pjesë në mbledhjen e parë të Grupit të ri Parlamentar të Partisë Demokratike! Në këtë mbledhje diskutuam mbi aksionin e ri opozitar kundër qeverisë së krimit dhe fasadave. Të gjithë theksuam me bindje se do të jemi një opozitë e vërtetë, një opozitë që mbron dhe i shërben interesave të të gjithë shqiptarëve. Partia Demokratike do të jetë zëri kryesor i problemeve të qytetarëve shqiptarë dhe forca politike që do të punojë gjithmonë për zgjidhjen e tyre. Fryma e bashkimit në dobi të mirëqenies së shqiptarëve bën që Partia Demokratike të jetë sot e hapur dhe të mirëpresë bashkëpunimin me të gjithë faktorët politikë që në të kaluarën kanë pasur mendime ndryshe.
Sot lind nevoja për të qenë më të bashkuar se kurrë ndonjëherë më parë, pasi me Edi Ramën kryeministër, shqiptarët po humbasin shpresën tek Shqipëria dhe tek klasa politike shqiptare. Zoti e bekoftë Shqipërinë dhe shqiptarët!/CityNews