web counter
LEXO PA REKLAMA!

SHKARKO APP

Çeku ngarkohet me drogë në Shqipëri e niset për në Mal të Zi/ “Fati” e braktis në kufi

19 Korrik 2017, 16:24, Aktualitet CNA

Policia Kufitare ka arrestuar një shtetas nga Çekia në Hanin e Hotit,Shkodër.

Elchin Ragimov, banues në Pragë, Çeki po transportonte 19 kg kanabis.

Sipas Policisë, 42 vjeçari kishte destinacion Malin e Zi. Mësohet se shërbimet e Policisë Kufitare kishin përzgjedhur për kontroll të detajuar automjetin tip Opel, me targë 5AR2462.

Gjatë kontrollit të imtësishëm të automjetit, u konstatuan 24 pako të dyshuara me lëndë narkotike, të fshehura në pjesën e parakolpit dhe pjesën e pasme.

Pakot ishin të mbështjella me letër natriban, ku pas peshimit rezultoi rreth 19 kilogramë lëndë e dyshuar narkotike e llojit Cannabis Sativa.

Në përfundim të veprimeve të para hetimore të kryera nga Specialistët e Sektorit për Hetimin e Narkotikëve, u bë arrestimi në flagrancë i drejtuesit të mjetit.

Materialet iu referuan Prokurorisë së Krimeve të Rënda Tiranë, për veprën penale ?Trafikimi i narkotikëve? mbetur në tentativë e parashikuar nga neni 283/a 22 i Kodit Penal./CityNews





Lajmet e fundit nga