web counter
LEXO PA REKLAMA!

SHKARKO APP

App Store
Google Play

E fundit!

x

Nga Agron GJEKMARKAJ/ Të kritikosh sot Bashën nuk është majtizëm

13 Korrik 2017, 09:42, Aktualitet CNA

?Prej disa ditësh, Sali Berisha mbi 70 vjeç është i rrethuar me rënkime e psherëtima, thirrje e akuza, lutje e shantazhe, siç shprehen disa kolegë. Heshtja dhe fjala e tij më shumë se kurrë janë bërë të interpretueshme deri në kufijtë e absurdit. Nuk janë të paktë ata që i kërkojnë ?fjalë imzot fjalë? dhe ai po i zhgënjen.

Nuk janë të shumtë ata që po shpresojnë në heshtjen e tij dhe ai po i mban me gajret. Atje, në kullën e lartë në të katërmbëdhjetin kat prej ku sheh metropolin që i rrëshqet nën këmbë së bashku me personazhet që i serviloseshin deri në lëbyrje, ekuacionit nuk i gjen zgjidhje. Si Napoleoni në Fontemblo pas Vaterlosë mbase sheh pazhin e tij të gjetur diku mes robërve të Egjiptit tek ikën duke dihatur me gjuhën përjashta nga rendja drejt padronit të ri.

Ose kështu na duket ne së largu. Përtej fjalës dhe heshtjes së tij, Partia që ai së bashku me elitën e kohës themeloi, rrezikon të shndërrohet në një sigël private që përfaqëson gjithnjë e më pak e që ?shërben? gjithnjë e më tepër. Sa më shumë PD shkon drejt pikës së vdekjes, aq më tepër zgjerohet nostalgjia për Sali Berishën dhe gabimet e tij duken si një vijë e largët në horizont?

Sali Berisha për 13 vjet e mbajti PD-në në pushtet dhe për 10 vjet të tjera u soll si shtet më vete pa e negociuar kurrë pozicionin e vet diktues. I bëri shumë të mira madhore Shqipërisë, sigurisht edhe dëme nga ato që nuk dalin dot nga kujtesa sado që t?i shtysh. Më i fundit po fillojmë të dyshojmë se është dhurimi i trashëgimisë L. Bashës. Ai i thau të gjitha bimët përreth ?lules? sa të shkëlqente vetëm ajo, si ?manushaqja? e Naim Frashërit.

Kësaj rradhe PD-ja e Bashës ka shënuar risi të plotë. Ajo, në asgjë nuk përputhet me historinë e vet tradicionale, madje as me veset, ndonëse s?kemi të bëjmë me as me inovacion apo modernizim, por thjesht me ndërrim letrash në hipotekë, si për të përvetësuar një pronë. Listat për të cilat u tha se dhanë kontribut, veç Bashës dhe familjes, biznesmenë etj. (kjo mbetet ende për t?u vërtetuar), fushata romantike ndaj Ramës e, mbi të gjitha menaxhimi i humbjes, shfaqën para nesh një Lulzim Bashë të panjohur më parë, një tjetër që nuk dihet kë bën me faj, ne që nuk e njohëm, apo atë që aktroi kaq bukur duke alternizuar zotin Xhek dhe doktor Haidin?

Personalisht e kam mbështetur Bashën për një kohë të gjatë, pa hezitim e pendim përballë një Kryeministri e pushteti tejet arrogant e kërcënues, deri sa Basha bëri marrëveshje me Ramën, jo pse bëri marrëveshje, por për pjesën e saj të parrëfyer që e shndërroi në subjekt qyfyresh, për listat si triumf i banalitetit, për goditjet ad personam, për fushatën pa shpirt, pa tharm, pa ide racionale, për arrogancën e përditshme pas katastrofës elektorale, për ligjërimin bosh e fyes në garën teatrale të këtyre ditëve, ngjarje këto, të cilat krijuan portretin e tij befasues e shqetësues. Një portret rrethuar me kukulla që mund të na bezdisë, mund të na trishtojë, mund të na shkaktojë gaz, por që nuk ngjall më mëshirë.

Të kritikosh sot Bashën nuk është majtizëm, siç shprehen disa personazhe mediatike të dorës së tretë. Por një përpjekje plot kokëçarje për të mos e parë opozitën e këtij vendi të administruar nga Engjëll Agaçi apo Taulant Balla, se Rama e quan punë të kryer. Këtë trazim e kanë të gjithë ata që me kujtesën historike një lidhje e kanë.

Sa më shumë që kori ndaj Sali Berishës i intensifikon zërat rreth tij, kuptojmë se damarët e krizës që ka përfshirë PD-në kanë dalë mbi sipërfaqen e dheut, aq sa çdo herë ia hepon trupin gati rrafsh me tokën. Por Sali Berisha nuk ka ikur siç ikin të gjtihë politikanët e as nuk ka ndenjur si ndo zot rrinë ata. Ai ka zgjedhur purgatorin, kujdestarin e heshtur e këshilluesin kur pyetet. Në thelb, pozicion mediokër, i sulmueshëm dhe i pafat. Këtu ka tradhëtuar natyrën e tij?

Tani është koha që Berisha këtë revolucion demokratik ta bëjë në Partinë Demokratike për të shpëtuar pluralizmin dhe kthyer opozitën së djathtës e Shqipërisë njëkohshëm dhe menjëherë asaj një garë të vërtetë. Nëse një ditë Basha kthehet kokulur e me lot në sy si plangprishës të cilët i dalin pa vështirësi, pse jo?ta pranojë! Basha si vartës nuk duket keq?

Nëse gjithçka luhet me dashjen e tij, atëherë kemi të bëjmë me një tepsi plot me mbeturina?Kush të dojë le të hajë.  Hamleti thotë ?diçka është kalbur në Danimarkë?, këtu mund ta përshtasnim gjithçka është kalbur. Të shpresosh nuk është mëkat. Come back (kthehu) Sali Berisha për të fundit herë, për pak kohë..!?, shkruan, ndër të tjera, autori Gjekmarkaj në shkrim-opinionin e sotëm të titulluar ?Kthehu Sali Berisha?,  botuar në gazetën ?Panorama?.

* Titulli i mësipërm është i CityNews.  





Lajmet e fundit nga