web counter
LEXO PA REKLAMA!

SHKARKO APP

App Store
Google Play

E fundit!

x

Komenti që media gjermane i bën projektit për ringritjen e Jugosllavisë së Re

13 Korrik 2017, 08:40, Aktualitet CNA

Kohët e fundit në rajonin e trazuar të Ballkan janë hapur shumë debate, në lidhje me krijimin e Shqipërisë Etnike apo edhe rishfaqjes së Jugosllavisë së Madhe. Rreth këtyre aludimeve, kanë folur edhe mediat gjermane.

Përmes një shkrimi të gjatë, të publikuar nga ?Sot News?, gazeta gjermane ?Die Welt?, nën titullin ?Pse Brukseli do të krijojë një Jugosllavi të re?, shkruan se: një sërë shtetesh në Ballkan duan të jenë pjesë e BE-së, por për shkak se Bashkimi Europian nuk i?a del dot aktualisht të bëjë pranime të reja, ai kërkon që të fitojë kohë, përmes një ideje të lindur më parë në Ballkan. Sipas gazetës, ishte presidenti i Serbisë, Aleksandër Vuçiç ai i cili kishte hedhur këtë tezë.

?Presidenti i sotëm, Aleksandër Vuçiç e kishte formuluar: nuk do të ishte më praktike të lidheshin vendet e Ballkanit në një zonë ekonomike të përbashkët? Ky do të ishte hapi i parë për anëtarësim në BE. BE e pranoi me falënderim këtë ide?, shkruan gazeta gjermane. Më tej gazeta e cilësoi unionin doganor si një instrument të mirë për BE që të fitojë kohë.

?BE-së nuk i duhet të pranojë anëtarë të rinj, por në të njëjtën kohë ruan influencën e saj në Ballkan?, thuhet në gazetë. Sakaq ?Die Welt? thekson se: Ballkani nga ana ekonomike është për evropianët i parëndësishëm, ndërsa shton se ai ka rëndësi në kontekstin e historisë europiane. Sipas gazetës, kohët e mëdha të zgjerimit kanë kaluar, prandaj prej vitesh po diskutohet si një instrument unioni doganor, një instrument që e çaktivizon fuçinë e barutit me emrin Ballkan dhe nga ana tjetër nuk e detyron BE të zgjerohet.

Sa i takon, krijimit të Unionit të Jugosllavisë, ?Die Welt? përveçse analizës së saj, i referohet edhe një deklarate të Komisionerit të Bashkimit Europian për Zgjerimin, Johannes Hahn, i cili ka deklaruar se BE synon të bashkojë gjashtë vendet e Ballkanit Perëndimor së bashku, pavarësisht nga niveli që kanë arritur në procesin e anëtarësimit.

?Komisioneri i BE për Zgjerimin, Johannes Hahn ka sjellë formulën ?Varësi pozitive?, e cila mund të ndikojë në çtensionimin e konflikteve etnike në rajon. Ne duam t’i bashkojmë të gjitha gjashtë vendet e Ballkanit Perëndimor së bashku, pavarësisht nga niveli që kanë arritur në procesin e anëtarësimit të ardhshëm në BE?, shkruan gazeta duke shtuar:

?Por në fakt kjo do të ishte një rilindje e Jugosllavisë së vjetër, sigurisht vetëm si union doganor dhe transporti. Pa Kroacinë e Slloveninë që janë pjesë e BE. Por këtë herë bashkë me Shqipërinë. Serbia, Bosnje-Hercegovina, Kosova, Mali i Zi, Maqedonia, do të kishim pra një union të shteteve pasuese më të varfra të Jugosllavisë. Mund ta kuptosh pse Beogradit i pëlqen një gjë e tillë. Në një konstelacion të tillë, Serbia do të ishte një peshë e rëndë. Një union i ri i Ballkanit Perëndimor do të ishte po ashtu bipolar. Atë do ta dominonin 8 milionë serbë në Serbi dhe Bosnje, si edhe 5 milionë shqiptarë në Shqipëri, Kosovë, Maqedoni, që do të konkurronin me dhe kundër njëri-tjetrit?, thuhet ndër të tjera në gazetë.





Lajmet e fundit nga