web counter
LEXO PA REKLAMA!

SHKARKO APP

App Store
Google Play

E fundit!

x

Tentoi të kalonte 6.5 kg marijuanë në drejtim të Italisë/ Arrestohet 54-vjeçari, emri

9 Korrik 2017, 08:26, Aktualitet CNA

Policia e Durrësit ka goditur një tjetër tentativë për të trafikuar lëndë narkotike drejt Italisë. Nga njoftimi i policisë mësohet se është arrestuar drejtuesi i mjetit, Fatbardh Kokomeci pasi i janë gjetur 6.5 kg marijuanë në autobuz.

Ai e kishte fshehur sasinë e lëndës narkotike tek sediljet e fundit të mjetit.

Ndërkohë policia po vazhdon punën për kapjen e personave të tjerë të implikuar në këtë rrjet kriminal.

NJOFTIMI I POLICISË

Drejtoria Vendore e Kufirit dhe Migracionit Durrës ka parandaluar dhe goditur tentativën për të trafikuar lendë narkotike drejt Italisë. Sekuestrohen 6.5 kg Marijuanë.

Arrestohet në flagrancë drejtuesi I mjetit.

Sherbimet e Drejtorise Vendore te Kufirit dhe Migracionit në bashkëpunim me Efektivet e Seksionit për Hetimin e Narkotikëve në Drejtorinë Vendore të Policisë Durrës, në vijim të punës së tyre për parandalimin e rasteve të trafikimit të lëndëve narkotike nëpërmjet Portit të Durrësit, mbrëmjen e djeshme, në bazë të informacioneve të marra në rrugë operative kanë goditur një tjetër rast.

Është arrestuar në flagrancë drejtuesi I mjetit, shtetasi:

Fatbardh Kokomeci 54 vjeç, banues në Tiranë.

Më datë 08.07.2017, gjatë kontrollit të ushtruar në Pikën e Kalimit Kufitar Port Durrës, në mjetin autobuz, me drejtues shtetasin F.Kokomeci, pas nje analize risku të hollësishme dhe verifikimeve të tjera speciale nga Specialistët e vijës së dytë të Kontrollit në pjesën e pasme, pas sedileve të fundit u gjet lëndë narkotike Marijuanë.

Në pjesën e pasme të autobusit, pas sedileve të fundit u gjetën dhe sekuestruan: 5 pako me peshë rreth 6.5 kg lëndë narkotike e dyshuar e llojit Marijuanë.

Specialistët dhe grupi hetimor vijojnë punën për kapjen e personave të tjerë të implikuar në këtë rrjet kriminal. Materialet I kaluan Prokurorisë pranë Krimeve të Rënda Tiranë për veprime të mëtejshme për veprën penale ?Trafikimi I lëndëve narkotike? e mbetur në tentativë./CityNews





Lajmet e fundit nga