web counter
LEXO PA REKLAMA!

SHKARKO APP

App Store
Google Play

Ekskluzive/Zbulohet pse Lulzim Basha ka frikë nga dorëheqja

3 Korrik 2017, 15:51, Aktualitet CNA

Shumica e kryesisë së Partisë Demokratike, shumica e Këshillit Kombëtar prej disa kohësh po gjendjen përballë, një reagimi refraktar dhe të palogjikshëm të kryetarit të shkuar të PD, Lulzim Basha.

Basha menjëherë pas zgjedhjeve në një konferencë për shtyp, pranoi dështimin dhe katastrofën elektorale, por nuk dha dorëheqje, vetëngriu të gjitha funksionet e tij, një lëvizje jostatutore, e pavlerë, thjesht një mënyrë që Basha të siguronte administrimin e plotë të procesit zgjedhur brenda PD.

Burime të mirëinformuara, i thanë CityNews se Lulzim Basha në ambiente konfidenciale, ka deklaruar se arsyeja pse ai nuk jep dorëheqjen është frika nga një hetim i mundshëm dhe fakti se nuk mbrohet dot përballë hapjes së dosjeve skandaloze të tij.

Ato fillojnë me rrugën Durrës-Kukës, vazhdojnë me marrëveshjen e ujërave me Greqinë, shkojnë në 21 janar dhe mbyllen me skandalet dhe aferat në krye të Bashkisë së Tiranës.

CityNews mësoi se Basha është shprehur tek miqtë e tij, se ka qenë procedura ligjore dhe shmangia, që ka mbyllur skandalin e rrugës Durrës-Kukës.

Basha mësohet të ketë thënë, se në rast se ai humbet postin e kreut të PD, është i ekspozuar përballë hetimit dhe procedurave që mund ta çojnë pas prangave, atij i duhet më çdo kusht PD, jo vetëm si forcë politike, por si antiplumb nga akuzat ligjore, nga hetimet penale që mund t?i hapen atij dhe familjarëve të tij.

Kjo është edhe aryseja e vërtetë pse Basha nuk jep dorëheqjen, pasi një largim i mundshëm e çon në humjen dhe pa postin e kryetarit të PD, Lulzimi ngelet i zbuluar përballë hetimeve dhe zbardhjes së të vërtetave./CityNews





Lajmet e fundit nga