E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Dy kushtet për zgjidhjen e krizës/ Idetë “e vjedhura” të Lulzim Bashës

27 Prill 2017, 08:01, Aktualitet CNA

Kreu demokrat, Lulzim Basha në qëndrimet e tij të 70 ditëve të protestës në ngujimin në çadër, më shumë se sa me idetë e tij duket të jetë me ide thuajse ?të vjedhura? apo këshilla që i jepen nga personalitete të tjera politike.

Së fundi Lulzim Basha ka artikuluar idenë e propozuar nga ish kryeministri Berisha, 3 javë më parë në çadër që Edi Rama të largohet nga kryeministër më 18 qershor dhe zgjedhjet të bëhen përtej këtij afati. Deri në momentin e artikulimit nga Berisha, Basha asnjëherë në asnjë rast të vetëm nuk e kishte shprehur këtë qëndrim më parë.

Një tjetër ide ?e vjedhur? e Lulzim Bashës, u artikulua dje në çadrën e protestës. Në 24 shkurt, vetëm një javë pas ngujimit në çadër, Astrit Patozi deklaronte në një televizion lokal se PD kërkonte qeveri kujdestare dhe kryeministër të propozuar nga Partia Socialiste, pra një qeveri teknike në një formë tjetër politike. Duke parë mosbesimin e opozitës ndaj kryeministrit Rama, zgjidhja e propozuar nga Patozi, më shumë se sa qeveri teknike është një qeveri kujdestare për zgjedhjet që sjell besimin te qytetarët dhe zgjidh ngërçin.

Këtë ide Basha e ka artikuluar dje më shumë se dy muaj pas protestës, megjithëse e ka pasur prej dy mujash në tavolinë ashtii sikur idenë e Berishës për qeveri teknike pas 18 qershorit.

Kreu demokrat Lulzim Basha ka zhvilluar një maratonë të gjatë takimesh dhe artikulimesh publike ku shpesh në qëndrimet e tij ka pasur mëdyshje, por vetëm së fundi ai ka filluar të qëndrojë fort në kërkesën për qeveri teknike që duket të jetë një kërkesë ekstreme dhe e papranueshme nga mazhoranca.

Basha kërkon qeverinë teknike, por vetëm ditët e fundit është kthyer te propozimi i Patozit dhe i Berishës, i pari që kryeministrin ta zgjedhë PS dhe i dyti që Rama të largohet pas 18 qershorit./CityNews

1-Propozimi i Astrit Patozi (KËTU)

2-Propozimi i Sali Berishës (KËTU)