E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Turqi, spastrime të reja të rrjetit Gulen/ 3224 fletë arreste, mbi 1000 arrestime

26 Prill 2017, 17:58, Aktualitet CNA

Autoritetet turke kanë konfirmuar arrestimin e më shumë se tre mijë njerëzve të dyshuar se i përkasin lëvizjes së predikuesit Fethullah Gylen, i akuzuar nga presidenti Rexhep Tajip Erdogan se fshihet pas grushtit të shtetit të dështuar vitin e kaluar. Ministri i Brendshëm Süleyman Soylu tha se në total janë lëshuar 3224 fletë arreste.

Në provincën e Stambollit janë lëshuar fletë arreste për 390 persona, nga të cilat 172 kanë përfunduar në pranga. Rreth 2000 oficerë aktualisht janë të angazhuar në gjueti për të dyshuar të tjerë. Ndër të tjera, arrestime janë konfirmuar edhe nga Izmiri (76) dhe nga krahinat e Anatolisë e Konya (20 nga 119 të kërkuar). Operacioni, i koordinuar nga prokuroria e Ankarasë është kryer nga policia dhe shërbimet sekrete në të paktën 72 krahina.

“Këtë mëngjes, ka nisur një operacion policor në 81 krahina, operacion që është ende në vazhdim. Ndërsa ne flasim, 1.009 njerëz janë arrestuar në 72 provinca”, tha Soylu, i cituar nga shtypi pro-qeveritar Anadolu. Shumica e të arrestuarve janë oficerë të policisë, kryesisht nga kryeqyteti Ankara.

Të dyshuarit e arrestuar “në fakt ishin të infiltruar të policisë” dhe “janë përpjekur për të përzënë ata nga jashtë, duke formuar një strukturë alternative”, argumentoi ministri Soylu, sipas të cilit sot operacioni paraqet një “hap të rëndësishëm” në “shpërbërjen” e të dyshuarve subversive të rrjetit Gulen.

Që pas grushtit të dështuar të shtetit të 15 korrikut, më shumë se 47,000 persona janë të arrestuar në Turqi për lidhje të dyshuara me ?gulenistët?. Midis tyre, ka të paktën 10.700 policë dhe 7.400 ushtarë. Gyleni, i akuzuar nga Ankaraja se ka qenë nxitësi i grushtit të dështuar të shtettit korrikun e kaluar, ka mohuar gjithmonë çdo përfshirje në të. Ankaraja ka kërkuar ekstradimin e tij nga SHBA, por nuk ka gjetur mbështetje nga administrata Obama. Çështja është në rendin e ditës të takimit të Erdoganit me presidentin Donald Trump, i planifikuar për tu realizuar në mes të muajit maj.

Ndërkohë, sot Këshilli i turk i shtetit, ka refuzuar ankesën e paraqitur nga opozita kundër Referendumit që zgjeroi kompetencat e Erdoganit. Partia Republikane (CHP) e kishte kritikuar në mënyrë të përsëritur vendimin e organit zgjedhor për të pranuar kartat pa vulën zyrtare dhe kishte dërguar një kërkesë në Këshillin e Shtetit të premten e kaluar, por gjykata e hodhi poshtë kërkesën për të anulluar vendimin e zgjedhjet për shkak se “kjo nuk është një akt administrativ,” shkroi Anadolu Agency. CHP është zotuar të vazhdojë betejën e tij ligjore deri në Gjykatën Kushtetuese./ CityNews- La Repubblica-Solli në shqip Xh.Shyti/