web counter
LEXO PA REKLAMA!

SHKARKO APP

App Store
Google Play

MARRËVESHJA/ Mbron të drejtat e spiunëve, shkel të drejtat e viktimave

26 Prill 2017, 15:54, Aktualitet CNA

Një marrëveshje e nënshkruar midis Autoritetit për Informim mbi Dokumentat e Sigurimit të Shtetit dhe Zyrës së Komisionerit të Mbrojtjes së të Dhenave Personale pengon informimin dhe transparencën e plotë rreth veprimtarisë së ish shërbimit sekret komunist, Sigurimi i Shtetit.

Kjo nga që të dyja këto institucione kanë konflikt lidhur me objektin për të cilin janë ngritur. Kështu, Autoriteti për Informim, që drejtohet nga  Gentiana Sula, ka për detyrë që në kuadër të transparencës së plotë tu ofroj viktimave të ish Sigurimit të Shtetit, apo familjarëve të tyre, informacion sa më të hollësishëm, të nxjerrë nga dosjet e ndodhura në arkivin përkatës. Ndërkohë në qendër të veprimtarisë së Zyrës së Komisionerit, të drejtuar nga Besnik Dervishi,  është ruajtja e privatësisë së individëve, moscënimi i figurës së tyre. Që don të thotë se për rastet e të interesuarve Autoritetit i lejohet të informojë deri tek një vijë kufi, që nuk lejon prekjen e individëve që kanë shërbyer si informator e spiun të viktimave të kohës. Çka parakupton informacion në anonimitet të plotë. E gjitha kjo në kuadër të mbrojtjes së të drejtave dhe lirive themelore të njeriut. A thua se viktimat nuk kanë liri e të drejta themelore?!

Por sa mund t?i shërbejë kjo mospërputhje transparences së plotë mbi dosjet e Sigurimit të Shtetit, ngjarjeve të inspiruara dhe organizuara prej tij, duke mos u publikuar emrat e personave që kanë ideuar dhe zbatuar ato skenare? Pyetjes iu përgjigj, Besnik Dervishi, në takimin e nënshkrimit të marrëveshjes detyruese midis palëve zyrtare.

?Një ligj jo gjithmonë mund të ketë të drejtë në periudha të caktuara kohore, por ne jemi të detyruar ta zbatojmë. Nëse kërkoni opinionin tim personal, atëherë do të prisni derisa mua të më mbarojë mandati?./ CityNews





Lajmet e fundit nga