web counter
LEXO PA REKLAMA!

SHKARKO APP

App Store
Google Play

E fundit!

x

Bregu: Vizita e McAllister rrit shanset për kompromis

20 Prill 2017, 18:12, Aktualitet CNA

Kryetarja e Komisionit te Integrimit Majlinda Bregu në një intervistë për Vizion+ ka thënë se shpreson që negociatori David McAllister, Kryetari i Komisionit te Jashtëm të Parlamentit Europian, të ndihmojë arritjen e një kompromisi mes mazhorancës dhe opozitës. Bregu ishte pak ditë më parë në Bruksel, ku mes te tjerëve takoi edhe McAllister, me të cilin bisedoi per situatën në vend e për kërkesat e opozitës.

Majlinda Bregu: Besoj se do te jete shume mire edhe vizita e Kryetarit te Komisionit te Jashtëm te Parlamentit Europian McAllister. Nuk kam takuar vetëm atë ne Bruksel, kam takuar edhe shume miq e partnere te tjerë ne komision jo vetëm te Partive Popullore, por sigurisht edhe nga Komisioni e Parlamenti Europian, por edhe nga Këshilli. Dhe le te shpresojmë qe me mbërritjen ne date 25 ne Tirane, se bashku me raporterin per Shqipërinë Fleckestein, mbase edhe zoti Eduard Kukan do t?u bashkohet, do te shohim se si do te zhvillohen dhe nëse sigurisht do te arrijnë duke respektuar edhe kërkesat e palëve ne arritjen e një kompromisi.

Por a rrezikon te refuzohet si negociator David McAllister? Per Bregun, faktori ndërkombëtar është i rëndësishëm per te ndihmuar palët te arrijnë nje marrëveshje.

Majlinda Bregu: Te them te drejtën unë nuk mendoj se Shqipëria është ishull dhe as nuk mendoj se ne një proces partneriteti sikurse Shqipëria është duke qene pjese e strukturave te NATO-s, njëkohësisht ne procesin e anëtarësimit ne Bashkimin Europian, ne kemi luksin qe ta shohim veten sikur kemi nje force për t?i zgjidhur problemet tona, ndërkohe qe realisht kemi treguar qe kemi me shume ego sesa dëshire për te zgjidhur situatat. Per me tepër qe besoj shume se dy nga kërkesat kryesore qe ka opozita sot sikurse është zbatimi i ligjit te dekriminalizimit, por edhe pjesa e dekanabizimit ose pjesa e luftës kundër drogës, sidomos kohet e fundit e muajt e fundit janë ne kujdesin edhe te vëmendjes se ndërkombëtareve dhe nuk besoj se janë pak. Prandaj do te ishte shume mire qe ne këtë proces te ruajtjes dhe mbajtjes se partneritetit me këdo qe mendon se Shqipëria e meriton kur ka plotësuar te gjitha detyrimet per te qene vend anëtar i Bashkimit Europian, t?i japim gjithkujt mundësinë edhe kur nuk jemi te zote vete siç e kemi treguar per te na ndihmuar, mbase kthjellohemi te gjithë me shume.

Ditën e marte, David McAllister do te mbërrije ne Tirane dhe faktori ndërkombëtar po punon per te hartuar nje dokument, i cili t?u vendoset palëve ne tavoline e te shërbejë per arritjen e nje marrëveshje./CityNews





Lajmet e fundit nga