Sasia rekord e drogës drejt Italisë/Jepet masa e sigurisë për doganierët e policët

19 Prill 2017, 10:01, Aktualitet CNA

Gjykata e Krimeve të Rënda ka caktuar sot masën e sigurisë për 18 zyrtarët e lartë, të arrestuar dy ditë më parë me urdhër të Prokurorisë.

Në pranga ranë shefi i stacionit policor, 9 punonjës të policisë në Portin e Durrësi, si dhe 8 doganierë të Qafë-Thanës, Durrësit e Tiranës, pasi akuzohen se kanë lejuar kalimin e një kamioni me 10 tonë drogë drejt Italisë.

Ishte CityNews që raportoi i pari lajmin për kalimin e kamionit me drogë në Itali, në shkurt të këtij viti, por policia shqiptare mohoi të ishte përfshirë në trafik.

Gjykata ka dhënë masën e sigurisë ?Arrest në burg? për disa nga të arrestuarit, ndërsa ndaj disa të tjerëve vijon procesi gjyqësor.

Është dhënë ?arrest me burg? për Julian Doraci, Shef i Stacionit Policor, Porti Durrës. Roland Metani, specialist, struktura anti-drogë. Policia e Portit Durrës, Mexhit Xhixha, specialist, struktura anti-drogë, Policia e Portit Durrës. Maliq Kadilli, agjent doganor, Qafë-Thanë. Roland Metani, specialist, struktura anti-drogë, Policia e Portit Durrës.

Punonjësit e doganës akuzohen për trafik ndërkombëtar narkotikësh, pasi kanë siguruar kushtet për kalimin e dy ngarkesave të ndryshme, me peshë totale 10 tonë kanabis sativa, nga Shqipëria në Itali. Këto ngarkesa kanë kaluar në shkurt dhe mars të këtij viti.

18 Të arrestuarit janë:
1. Ymer Blloshmi, doganier, përgjegjës turni, Qafë-Thanë
2. Iliras Malja, doganier pranimi/verifikimi, Qafë-Thanë
3. Maliq Kadilli, agjent doganor, Qafë-Thanë
4. Kastriot Topulli, agjent doganor, Qafë-Thanë
5. Gëzim Dervishi, specialist në Policinë e Portit Durrës
6. Mexhit Xhixha, specialist, struktura anti-drogë, Policia e Portit Durrës
7. Roland Metani, specialist, struktura anti-drogë, Policia e Portit Durrës
8. Agron Kapllani, specialist, struktura anti-drogë, Policia e Portit Durrës
9. Gentian Selmani, specialist, struktura anti-drogë, Policia e Portit Durrës
10. Medi Demiri, kontrollor, Policia e Portit, Durrës
11. Fatmir Plaku, kontrollor, Policia e Portit, Durrës
12. Julian Doraci, Shef i Stacionit Policor, Porti Durrës
13. Edmond Luzi, doganier eksporti, Porti Durrës
14. Ylli Vogli, doganier peshore, Dogana Vorë (Tiranë)
15. Vladimir Ziu, doganier regjimi, Dogana Vorë (Tiranë)
16. Erald Kulla, agjent doganor, Dogana Vorë (Tiranë)
17. Behar Sula, kontrollor hyrje-dalje, Policia e Portit, Durrës
18. Nezir Bardhoshi, kontrollor hyrje-dalje, Policia e Portit, Durrës/CityNews