E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Problemi nuk është vetëm Alfred Peza, por dhe pagatorët e tij

19 Prill 2017, 07:59, Aktualitet CNA

Paraditen e të martës Gjykata dhe Prokuroria hodhën hapin e parë në drejtim të zbardhjes së atij që është vlerësuar si ?skandali Peza?, nga që përfshin në vetvete një figurë publike, deri dje gazetar kronike dhe drejtues disamediash, e sot deputet i PS-së për Peqinin.

Fjala është për shtetasin Alfred Peza, ?deputet-miliarderin?, siç ka nisur të thirret që kur nëpërmjet të shoqes së tij bleu një përqindje aksionesh bashkëpronësie të një banke të nivelit të dytë, të vlerësuara në 113 milion lekë, duke befasuar e ngritur dyshime për burimin e sigurimit të tyre.

Në reagim të denoncimit të rastit, nga Citynews, Inspektoriati i Lartë i Deklarimit e Kontrollit të Pasurive(ILDKP) konkludoi se burimi i pasurisë së deputetit Peza ishte i padeklaruar, ndaj dhe e paditi rastin në Prokurori, e cila nisi menjëherë hetimin. Duke konkluduar, pas muajsh, të njejtën situatë mosjustifikimi të burimit të të ardhurave, ndonëse nëpërmjet disa deklaratave mediatike vetë deputeti përgjigjej se gjithçka e kishte me djersën e punës së tij. Të rrjedhur nga pagat e larta që kishte marrë nga të qenit drejtues disa vjeçar mediash etj.

Pa dashur ti hyjmë të vërtetës së këtij pretendimi po mbahemi tek hetimi dhe vendimi i dhenë nga Gjykata që në kuadër të kërkesës së Prokurorisë, vendosi sekuestrimin e pasurisë së deputetit për motivin se nga hetimi kishte rezultuar që rreth 800 mijë dollar të pasurisë, Alfred Peza nuk i justifikonte dot. Përse, si mund të ndodhte që siguria me të cilën fliste Peza për burimin e fitimit të shëmbej e prej saj të mos mbetej asnjë thërrime vërtetësie? Çndodhi dhe çfarë pritet të ndodhi nëse institucioni i hetimit nuk hedh hapa të tjerë pë zbardhjen, deri në fund, të ?skandalit Peza??

?…Problemi nuk është Alfred Peza, i cili i mirëpaguar apo jo, në të bardhë apo në të zezë, ngelet një gazetar i djeshëm, që mënyra jo ligjore dhe pamundësia për ta sqaruar burimin e të ardhurave e çoi tek ky vendim Gjykate. Problemi i vërtetë janë pagatorët e tij?, komentoi Citynews, pas publikimit të vendimit të Gjykatës për sekuestrimin e pasurisë. Sepse pronarët e mediave janë problemi i vërtetë.

Janë këta padronë që paguajnë editorë dhe drejtorë me dhjetëra-mijëra euro, duke shpenzuar qindra milionë lekë në vit nën dorë, ndërkohë që për të shmangur taksat shënojnë nëpër lista borderosh paga minimale. Është klientelizmi i tyre me pushtetin, korrupsioni i tyre, lejet e ndërtimit, trafiqet e influencës, shërbesat perverse për disa grushte dollarë apo euro, pellgu i ujit të qelbur në të cilin zhyten editorët, drejtorët e kryeredaktorët e shumëpaguar me dy bordero, që të gjendur në situatat të ngjashme me ish kolegun Peza mbeten si peshku në zall.

Realiteti është i dhimbshëm dhe për t?a tjetërsuar atë Prokuroria ka detyrimin ligjor të mos mjaftohet vetëm me pasurinë e Pezës, por t?i shkojë deri në fund hetimit. Sepse ato shuma parash kanë shkuar tek Peza dhe kur ai nuk i justifikon dot, tek dikush tjetër është burimi i tyre. /CityNews