E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Skandal në gjyqin e “Top Channel”/Kryetari i Gjykatës manipulon shortin

18 Prill 2017, 11:35, Aktualitet CNA

Gjykata e Apelit Tiranë është përfshirë në një skandal të paprecedentë me manipulimin e shortit të gjyqtarëve. Sikurse paralajmëroi një ditë më parë CityNews, lobe të fuqishme financiare dhe politike po tentojnë të manipulojnë procesin gjyqësor për pronësinë e televizionit ?Top Channel?. Dhe në fakt ashtu ndodhi, pasi një nga emrat e përfolur për të zëvendësuar gjyqtaren e larguar nga trupa gjyqësore, ?rastësisht u përzgjodh? nga shorti. Kryetari i Gjykatës së Apelit Tiranë, Hysni Demiraj është zyrtarisht pjesë e trupës gjyqësore të çështjes ?Top Channel?, shkruan CityNews. Ai është prezantuar gjatë seancës së sotme, kur në fakt palët ishin në pritje të hedhjes së shortit. Por ata janë përballur me faktin e kryer, pasi shorti ishte hedhur dhe gjyqtari i përfolur prej kohësh ishte përzgjedhur nga ky shorti.

Emir i gjyqtarit Hysni Demiraj përflitej prej rreth dy javësh, qysh në seancën e parë për këtë çështje ku u kërkua përjashtimi i gjyqtares Zegjine Sollaku. Vetë Demiraj i cili drejton edhe Gjykatën e Apelit ishte përfolur si kanidaturë serioze për zëvëndësimin e gjyqtares së larguar. Nuk dihen ende arsyet përse Demiraj duhet të ishte pjesë e këtij gjykimi, por tashmë është fakt se ai ndodhet në trup gjykues dhe çdo vendimmarrje e tij do jetë e paragjykuar.

Ka një sërë pikpyetjesh dhe dyshimesh që tregojnë se ky short nuk është i rregullt. Së pari, emir i Demirajt qarkullonte prej më shumë se dy javësh dhe ditën e djeshme këto informacione u përforcuan edhe më shumë nga personat e interesuar që Hysni Demiraj të ishte pjesë e këtij gjykimi. City Neës e paralajmëroi atë që në fakt ndodhi sot. Së dyti, ka një mungesë totale transparence për procedurën e hedhjes së shortit. Gjatë seancës së djeshme, nuk është paraqitur asnjë procesverbal që të konfirmojë procedurën e hedhjes së shortit për zëvendësimin e gjyqtares Sollaku nga kryetari Demiraj.

Po ashtu dyshimet shtohen edhe më shumë, pasi dita e martë është një ditë e planifikuar me gjyqe nga ana e gjyqtarit Hysni Demiraj. Për të qenë i pranishëm në seancën për çështjen e pronësisë së ?Top Channel?, gjyqtarit Demiraj i është dashur të shtyjë një gjyq tjetër. Të gjitha këto arsye tregojnë për një mungesë totale transparence në procedurën e hedhjes së shortit dhe zëvendësimit të gjyqtarëve, çka e bën tepër serioze situatën në Gjykatën e Apelit Tiranë.

Disa pyetje që kërkojnë përgjigje:

1. Si u kye procedura e hedhjes së shortit për zëvendësimin e gjyqtares?

2. Përse u caktua gjyqtari Demiraj, kur ditën e djeshme e kishte të planifikuar me gjyqe?

3. Ku ndodhen procesverbalet e hedhjes së shortit?/CityNews

A po manipulohet shorti për gjyqin e ?Top Channel?? Ja gjyqtarët që përfliten