A do trondisin skenën politike videot e Dritan Priftit

18 Prill 2017, 09:12, Aktualitet CNA

Në fundvitin 2010, emisioni Fiks Fare, nëpërmjet një video-përgjimi, tregoi një pazar korruptiv të kreut të LSI, Ilir Meta, me ish-ministrin e Ekonomisë të asaj kohe, Dritan Prifti. Një histori që filloi me video korruptive, me qindra-mijëra euro pazare, dhe që përfundoi me mosekzistencës e kësaj videoje, sipas një vendimi të Gjykatës së Lartë. Por, ky vendim erdhi pas ekspertizës që iu bë videos nga disa njerëz të përdorur nga Ilir Meta dhe LSI. Disa pseudo-ekspertë, të cilët më pas morën poste të rëndësishme dhe u emëruan drejtorë, apo fitojnë tendera nga qeveria e Rilindjes.

Video Meta-Prifti ra, por më pas nga vetë Meta u nxor një tjetër video, ku Prifti ndante lekë me një mikun e tij. Në atë kohë ish-miku i ngushtë i Ilir Metës, ministri i Ekonomisë, Dritan Prifti, përsëriste shpesh se videot e tij do të shembin qeverinë. Ilir Meta shpëtoi, por nga pas ka hijen e 4 viktimave të ?21 Janarit?, të cilët kërkonin bllokun e tij publikuar në video-skandalin e Fiks Fare.
Në momentin kur priteshin të tjera video, ishte Spartak Braho me çantën e tij, që ushtronte presion përballë Dritan Priftit dhe pas videos me zv/ministrin atij iu publikua edhe video në një hotel. Të gjitha si shantazhe që vinin nga LSI për të detyruar deputetin të ndalej, të mos publikonte më tej video dhe materiale, të cilat kompromentonin Ilir Metën.

Në fund, Dritan Prifti tha se nuk kishte më video të tjera dhe çdo gjë kaloi në heshtje, ai nuk publikoi më materiale kompromentuese. Ndërkohë, Edi Rama harroi videot dhe aferat korruptive të Ilir Metës, e mori atë nën sqetull. Nga ana tjetër, Dritan Prifti në heshtje nuk u ndje ngadalë-ngadalë më në skenën politike.

Shumë zëra thonë se videot ekzistojnë dhe arkivi i Dritan Prifti nuk është mbyllur. Ndoshta frika, ndoshta presioni apo diçka tjetër nuk e ka lejuar t?i publikojë ato. Të tjerë thonë se videot i ka Edi Rama dhe ato i përdor si presion ndaj Ilir Metës, për ta mbajtur pas dhe zvarrë që t?i garantojë pushtetin e Rilindjes. Videot e Dritan Priftin mund të trondisin edhe njëherë skenën politike shqiptare, në rast se ato publikohen nga vetë Rama apo nga njerëz pranë Priftit. Hera e dytë do të ishte fatale për Ilir Metën, i cili jeton ende hijen e videove të pa publikuara, të cilat shqiptarët kanë sot nevojë më shumë se kurrë t?i shohin dhe të mos harrojnë.

Të mos harrojnë videon e transmetuar në Fiks Fare, të cilën e hodhën poshtë ekspertët që i shërbyen Ilir Metës dhe më pas u shpërblyen prej tij. Është ajo video dhe ato të pa publikuara, të cilat na tregojnë të vërtetën e një segmenti qeverisjeje, që ka 8 vjet në pushtet, që sillet dhe vepron në të njëjtën mënyrë, që prej 8 vjetësh ky segment vetëm vjedh çdo ditë xhepat e shqiptarëve./CityNews