web counter
LEXO PA REKLAMA!

SHKARKO APP

App Store
Google Play

E fundit!

x

Kërkohet hetim për skandalet milionëshe/Por s'ka bord

18 Prill 2017, 06:30, Aktualitet CNA

Anëtarët e bordit asnjëherë nuk dhanë llogari.

“Bordi i PTK-së duhet të hetohet për të gjitha dëmet që ia ka shkaktuar asaj, rrjedhimisht buxhetit të Kosovës. Si duket kjo mënyrë i përshtatet Qeverisë, nëpërmjet së cilës i realizojnë ambiciet e veta për t’u pasuruar”, potencoi analisti Faton Mehmeti,raporton Gazeta Kosova Sot.

Pas konfirmimit të dënimit prej 30 milionë eurove që e ka bërë kohë më parë shkalla e dytë e Arbitrazhit Ndërkombëtar ndaj PTK-së, pas padisë së ushtruar nga kompania “Z-Mobile”, që është në pronësi të vëllezërve Devolli, si edhe rrezikut tjetër shumë më të madh pas padisë së AXOS-it ndaj PTK-së, Qeveria kosovare rrezikon që të humbasë po ashtu në një kontest tjetër në Gjykatën e Arbitrazhit, por kësaj radhe me disa qindra miliona euro të tjera. Me gjithë këto afera e skandale milionëshe, Qeveria e Kosovës deri më sot është treguar shumë indiferente dhe nuk e ka shkarkuar Bordin e PTK-së, të cilëve edhe ashtu në fundvitin e kaluar u ka skaduar mandati. Shih për këtë indiferenca e deritashme e ekzekutivit ka bërë që njohësit e kësaj fushe ta aktualizojnë çështjen se përse Qeveria e Kosovës nuk po e shkarkon Bordin e PTK-së, i cili me papërgjegjësinë e tyre po dështon me drejtimin e vet, duke e sjellë gati para falimentimit kompaninë publike. Analistët dhe njohësit e kësaj fushe e hapin edhe dilemën se deri kur do të tolerohen që bordet e paafta dhe menaxhmenti me performancë të keqe të qeverisin me shumë NP të Kosovës.

Politikanët, në krye të kompanisë Dihet botërisht se për dy mandate drejtor i Bordit të Telekomit të Kosovës ka qenë Rexhë Gjonbalaj, që njëkohësisht ka qenë edhe anëtar i PDK-së në Kryesinë në Pejë. Po ashtu, edhe anëtare të tjerë në këtë bord kanë qenë të vendosura në baza politike e që kanë qenë: Gani Syla, Bislim Zogaj, Naim Hyseni, Afrim Loku dhe Suzana Andjekoviq. Telekomi i Kosovës, përveç telasheve të mëdha financiare, së fundmi nuk ka as bord të drejtorëve funksionalë, pasi që të njëjtit në fund të dhjetorit i skadoi mandati. Ani pse prej kohës kur është ndryshuar menaxhmenti, me zgjedhjen e Argon Mustafës në krye të kompanisë, vendimet e Bordit të Telekomit të Kosovës nuk janë marrë shumë seriozisht prej menaxhmentit. Kjo është dëshmuar në dy vitet e fundit, ku bordi nuk ka lëshuar asnjë njoftim, komunikatë për të njoftuar për vendimet e marra të përbashkëta. Eksperti i telekomunikacionit, Agron Dida, është shprehur se Qeveria e Kosovës ka qenë dashur që të shkarkojnë Bordin e PTK-së, ngase i njëjti organ i pavarur nuk e ka kryer punën si duhet.”Atje kanë ndodhur e po ndodhin shumë gjëra dhe vetëm futuni në ueb-faqen e PTK-së dhe e sheh se çfarë gjërash kanë ndodhur atje. Andaj kjo është një çështje duhet që të jetë e hapur për diskutim”, tha ai. Analisti Dida është ankuar se ne si shoqëri e kemi problemin e mosfunksionimit të sistemit të drejtësisë dhe aty është problemi.”Kurse ata që mund ta sensibilizojnë këtë problem janë mediet dhe gazetarët, por edhe ata e kanë shumë vështirë që këtë çështje munden që ta shtyjnë përpara, sepse këtu diçka në këtë sistem tonin të drejtësisë nuk po funksionon”, u shpreh më tutje ai./Kosova Sot





Lajmet e fundit nga