web counter
LEXO PA REKLAMA!

SHKARKO APP

App Store
Google Play

E fundit!

x

UGSH apel Policisë së Tiranës/Arrestoni agresorët e kolegut Elvi Fundo

8 Prill 2017, 13:39, Aktualitet CNA

Unioni i Gazetarëve Shqiptarë i ka bërë sot një tjetër apel Policisë së Tiranës lidhur me ngjarjen e rëndë kriminale të sulmit ndaj gazetarit Elvi Fundo.

Gazetari u dhunua mëngjesin e 8 marsit, ndërsa UGSH kërkon që të kapen agresorët e tij, të cilët vijojnë të jenë ende të lirë.

Ja deklarata e plotë:

Deklarate e UGSH
Tirane me 8.04.2017
– Apel Policisë së Tiranës: Agresorët e kolegut Elvi Fundo ende vijojnë të jenë të lirë! –
Sot mbushet një muaj nga dita kur gazetari Elvi Fundo, njëherësh administrator i ?Best Radio 89.8 FM? dhe botues i portalit ?CityNEËS”, u godit barbarisht prapashpine pranë stacionit, nga persona të sponsorizuar, por që ende vijojnë të mbeten të lirë.
Gazetari për disa ditë përfundoi në spitalin e Traumes në rrezik për jetën, ndërsa nga dëshmitë e para ngrihej dyshimi se sulmi kriminal ndaj tij kishte lidhje me ushtrimin e profesionit të gazetarit dhe botuesit, pra për shkak të detyrës.
Në ditët e para pati një vlerësim serioz të ngjarjes së rendë kriminale, që nuk ishte sulm ndaj një gazetari, por goditje e rendë ndaj lirisë së ushtrimit të profesionit të gazetarit. Ky seriozitet i Policisë së Tiranës na bëri të shpresojmë në zbardhjen e shpejtë të ngjarjes dhe identifikimin e autorëve. Ndër dëshmitë e tjera, në ndihmë të hetimit u vunë edhe kasetat e kamerave të zonës së vendit ku ndodhi ngjarja, të cilat jepnin imazhe të qarta të agresorëve etj.
Që atëherë ka kaluar një muaj dhe deri më sot ende agresorët vazhdojnë të jenë të lirë duke përbërë ende një rrezik evident për gazetarin Elvi Fundo. Moskapja e mosidentifikimi ende i agresorëve shërben si precedent stimulues për ndërmarrjen e të tilla veprimeve agresive edhe ndaj kolegëve të Fundos, të cilët janë po aq të vendosur në ushtrimin e detyrës së gazetarit.
Institucione të rëndësishme ndërkombëtarë kanë bërë apel për zbardhjen e kësaj ngjarjeje. UGSH, nëpërmjet thirrjeve të herë pas herëshme e ka inkurajuar Policinë e Tiranës për të zbardhur ngjarjën kriminale dhe të vendosë përpara drejtësisë autorër e dhunës ndaj kolegut Elvi Fundo. Sot një muaj pas aktit kriminal bëjmë një thirrje të përsëritur për policinë dhe institucionet përgjegjëse kur autorët ende vijojnë të jenë të lirë.
ZYRA E SHTYPIT E UGSH/CityNews





Lajmet e fundit nga