web counter
LEXO PA REKLAMA!

SHKARKO APP

App Store
Google Play

E fundit!

x

Blici Rrugor/ Policia vendos 374 gjoba në një orë

12 Mars 2017, 12:23, Aktualitet CNA

Policia Rrugore ka zhvilluar sot një operacionin ?Blici Rrugor? i shtrirë në 12 qarqet e vendit, në akset kryesore dhe zonat urbane. Aksioni u krye në kuadër për vendosjen e rripit të sigurimit dhe mospërdorimin e celularit gjatë drejtimit të mjetit, për shpejtësi tej normave të lejuara e shkelje të tjera të Kodit Rrugor. Operacioni nisi në orën 12:00 dhe zgjati deri në orën 13:00.

Sot u angazhuan rreth 640 punonjës Policie në total si dhe u ngritën dhe funksionuan 140 pika kontrolli në të gjithë vendin. Prej orës 12:00 deri në orën 13:00 në të gjithë vendin, Policia Rrugore e mbështetur dhe nga Patrullat e Përgjithshme dhe Shqiponjat vendosën 144 masa administrative për mosvendosje të rripit të sigurimit. 113 masa administrative për përdorim të celularit gjatë drejtimit të mjetit. Gjithashtu, u vendosën 117 masa administrative për shkelje të tjera, si shpejtësi tej normave të lejuara, për mosvendosje të kaskës mbrojtëse etj.

Operacioni ka për qëllim rritjen e parametrave të sigurisë rrugore, ndërgjegjësimin e qytetarëve për rëndësinë e vendosjes së rripit të sigurimit, për mospërdorimin e celularit gjatë drejtimit të mjetit por edhe të respektimit të rregullave të qarkullimit rrugor në tërësi.





Lajmet e fundit nga