E fundit!

12:44 Politikë

Skana gozhdon Gjonin: Deputeti part time që i qan zemra për Mirditën, po deformon realitetin

Zëvendësministrja e Mbrojtjes, Pranvera Skana, i është për...

Akuzat për korrupsion dhe lidhjet me mafien/Pse nuk e heton prokuroria Karlo Bolinon?

28 Shkurt 2017, 09:33, Aktualitet CNA

Karlo Bolino është një nga botuesit e mediave, i cili prej shumë vitesh ushtron aktivitetin e tij në Shqipëri. Fillimisht ai solli Gazetën Shqiptare, Radio Rash dhe TV News 24. Më pas, ai i shiti aksionet dhe me një lëvizje të shpejtë hapi A1 Report dhe Shqiptarja.com. Të parën me Koço Kokëdhimën dhe të dytën me Anila Bashën.

Të dy ?ortakëritë? dështuan, TV u bë Report TV. Por se kush është Karlo, sa vlen Karlo, cilat janë pisllëqet e Karlos lexuesit i dinë mjaft mirë. Hashtag, BoldNews, Citynews e të tjera media online kanë sjellë shpesh investigime dhe denoncime për botuesin ?e pavarur?, që “fle” në shtratin e Ramës e gdhihet në krevatin e Veliajt. Shtrati dhe Krevati politik, ku ai përpiqet të mbijetojë financiarisht.

Bolino u akuzua kohë më parë për përfitime nga fondet publike dhe OPF-të, më pas Berisha shkruajti se Karlo kishte lidhje financiare me Sacra Corona Unita. Të tjera akuza ndaj tij janë hedhur për shumë fonde dhe përfitime. Më të fortat nga Hashtag, që çoi deri në tërbimin e Bolinos, i cili më pas mbylli dhe serverin e këtij portali.

Por, në të gjitha rastet nuk ka asnjë hetim për Bolinon. Megjithëse akuzat janë të forta, Prokuroria hesht. Nuk bëhet thjesht fjalë për akuza politike, por për fakte dhe dokumente të publikuara, që flasin qartë se botuesi ?i pavarur? Bolino merr fonde nga taksat e shqiptarëve, si dhe shfrytëzon pasuritë e tyre.

Prokuroria minimalisht duhet të fillonte disa hetime për Bolinon dhe pasuritë e tij, si ka ardhur në Shqipëri, a ka lidhje me mafien, siç e akuzojnë, dhe si i ka përfituar fondet publike.

Përplasjet me Kokëdhimën apo me Anila Bashën janë dytësore, sepse janë private, por jo të pavlera, po të kemi parasysh artikulimet e shpeshta për punonjës të pasiguruar dhe shmangie të taksave. Këto akuza janë ende të paverifikuara, por ngelen për t?u vlerësuar nga organet kompetente dhe në rast se Tatimet i ka qeveria, prokuroria me Bolinon mund të tregojë se nuk është nën kontrrollin e kryeministrit dhe nuk ka frikë nga mediat e tij të ?kazanit?.

Bolino është rasti kur institucionet nuk duhet të heshtin, por duhet të verifikojnë akuzat ndaj tij dhe të hapin hetime.

Kwto hetime nuk duhen hapur për fjalë dhe thashetheme milionash, tenderash, aferash korruptive, presione mbi bizneset, gjoba në emër të pushtetarëve, pasuri të pajustifikuara, jo për këto që mund t?i quajmë shpifje të padrejta, por për ato që kanë shkruar gazetarët me dokumente dhe që janë taksat dhe pasuritë e shqiptarëve, të cilat përdoren nga Karlo Bolino./CityNews