Nga Arian Galdini/ Pse Protesta e 18 shkurtit është pika e kthimit?

16 Shkurt 2017, 07:24, Aktualitet CNA

Pse Protesta e 18 shkurtit eshte pika e kthimit?

Nga Arian Galdini

Protesta ne vetevete eshte alternativa e moskthimit. Kur qytetaret dhe opozita mberrijne ne ate gjendje rezistence kur e vetmja rruge, e vetmja menyre, e vetmja zgjidhje qe u mbetet eshte dalja ne sheshin e protestes, atehere kuptohet qe qendresa e tyre nuk behet me per tu ringritur, as per te fituar, por per te siguruar ekzistencen.

A e dini pse?
Sepse ne nje vend normal, ku demokracia ka frymemarrje, ku shteti i se drejtes siguron barazine para ligjit dhe dinjitetin e cdo qytetari, ku liria jep shanse e mundesi te garantuara me rregulla loje per konkurim dhe meritokraci per kedo, Qeverisja, Opozita dhe qytetari jane te gjithe pale dhe bashkeautore ne krijimin dhe mbrojtjen e se mires dhe vleres publike.

Ndersa kur demokracia kthehet ne transaksion financiar, shteti i se drejtes ne comange krimi dhe liria ne bashkefajesim me krimin, askush nuk mund te shpresoje me, as rritjen, as nxitjen e as zhvillimin e vleres publike. Kur pllakos kjo zymti, Qeverisja behet kobure e stolisur e krimit per te plakitur shtetin dhe qytetarin e po ashtu per te asgjesuar Opoziten. Nuk ka me siguri e as shprese. Ndaj mbetet ose shtegu i ikjes si zgjidhje, ose qoshja e dorezimit, ose sheshi i rezistences.

200 mije shqiptare ne keto 3 vite e gjysem krimqeverisje hyne ne vrime e gjilperes e me placke, familje e katandi iken nga syte kembet prej ketij vendi qe ndonese vitet ecin para, ketu gjerat zhyten pas. Po aq shqiptare aplikojne cdo vit per llotarine amerikane sepse e duan edhe ata tu ndodhe ai fat qe u mundeson sikterisjen prej ketij vendi. Te tjeret jane ne luhatje serioze. Do ikin, do dorezohen, apo cfare? Po te ikin, koka do tu ngelet pas sepse ketu do te lene te aferm te gjalle, e varre te te pareve te braktisur.

Qendrimi e Dorezimi do ti ktheje ne te gjallues te pajete ende te pakallur. E dine se ketu do tu vije fara e kanabisit ne cdo porte shtepie, ne cdo parcele e ndoshta ne cdo vazo. E dine se fara e krimit do tu mbije ne cdo lagje, fshat, bashki, administrate e deri ne Kuvend. E dine se edhe po iken kriminelet nga institucionet e Kuvendi, punet kane shkuar aq keq e aq larg sa askush nuk i ndal dot me qe kriminelet te kandidojne e mbeshtesin niperit, mbesat, bijte, bijat, dhenduret, krushqit apo avokatet e tyre qe ti cojne per tu mbrojtur interesat ne Kuvend, Parti, Qeveri, Bashki e Institucione.

E dine se plackitesit e politikes do tu blejne voten per nje leje mbjelljeje te parceles me kanabis, per 20 mije apo 50 mije leke te vjetra, e pasketaj do tu shesin vendin e punes 6000 mije euro. E dine se plackitesit qeverises, te bezdisur edhe nga fakti qe u duhet te perfaqesojne e qeverisin qytetaret te cileve u blejne, trysnojne, vjedhin, tjetersojne voten, do te heqin gjithnje e me teper nga duart e shtetit, sherbime, detyra dhe institucione publike e do tia japin privatit me kondensione dhe 3 P.
Nuk duan as te qeverisin me. Duan vetem te jene aty ne krye me ofiqe e funksione publike, per te pasur nen kontroll punet e plackitjes, nderkohe qe gjithe shtetin jane te gatshem ta japin me koncension e 3P.

Pronen tone private, duan te na e marin ne perdorim per kanabisizim, shkembim, shantazhim, skllaverim, e gjithefare djallezie tjeter. Zgjedhjet duan ta na e rikonstruktojne me kirurgji plastike qe ti shohim ne pasqyre, por jo ti jetojme si mundesi apo fuqi te qytetarit. Aq te pacipe jane, aq te felligesht, aq te ligj, saqe vete e kane vendosur te na e bejne operacionin plastik te zgjedhjeve, vete e kane vendosur qe zgjedhjet te na e bejne si karikature te shemtuar buzefryre ku qytetaret me kutine votimit takohen njelloj si udhetaret e shkretetires me mirazhin, e po vete na e kane caktuar edhe faturen qe duhet te paguajme ne per pjesemarrjen ne panairin e votave. Na japin bileta 20 mije lekeshe si leje per pjesemarrje ne panairin e votave, e na plackisin dhjetra miliona euro per te na bere spektakle me ekrane, foni, skena, koncerte, e shfaqje marramendese.

Megjithe keto, nuk harrojne qe te na dergojne edhe horra e bandite, trafikante e xhepiste qe te na e shpifin voten, e te na bejne ta vjellim neper kuti si nje siklet qe duhet ta nxjerrim me se s’ben nga vetja. Prandaj dorezimi, na shnderron ne fryme te vdekura, qe shitemi e blihemi nga Cicikovet plackites qe na qeverisin. Ky eshte edhe shkaku pse rruga e vetme qe na rikthen ne jete, qe na jep ekzistence, qe na mundeson riperteritjen e ringritjen per te rigjetur shpresen dhe aspiratat me te mbara e me te larta si qytetare, si shoqeri, si komb, eshte rezistenca jone ne sheshin e protestes.

18 shkurti nuk ka sesi te jete nje proteste e zakonshme, partiake apo politike e Opozites. Kurresesi. 18 shkurti eshte nje fillese e vetebesimit tone qytetar, e te gjithe neve se bashku, se ne jemi fuqia e vertete. Se nuk duhet te dorezohemi e as asgjesohemi ne. Por ne duhet te rezistojme, protestojme, qendrojme, ne menyre qe plackitesit te dorezohen, horrat te lemerisen, krimqeverisesit te rrezohen.
18 shkurti eshte nje pike kthimi. Eshte pika kur qytetaret takojne vetedijen e tyre per te mos pranuar me as ikjen nga ky vend, e as dorezimin ne kete vend.

Ne 18 shkurt, besimi dhe thirrja ime eshte qe ne te gjithe bashke te ngrihemi ne kembe, te mbushim sheshin, te ngulemi ne shesh derisa te shkulim te ligjte ne qeverisje. 18 shkurti eshte pika e ktheses, fillimi i qendreses, mundesia e riperteritjes se shpreses. E riperseris, ne 18 shkurt, dalim te protestojme qe ose qendrojme aty deri sa ti rrezojme, ose perndryshe kot e kemi se do te na duhet ti durojme. Une them qe me mire ti rrezojme./CityNews