web counter
LEXO PA REKLAMA!

SHKARKO APP

App Store
Google Play

Të shtëna me armë drejt lokalit/ Parandalohet ngjarja e rëndë kriminale

15 Shkurt 2017, 19:28, Aktualitet CNA

Policia e Shkodrës ka parandaluar një ngjarje kriminale dhe ka arrestuar një shtetas.

Burime nga forcat e rendit shprehen se  rreth orës 19:00 të ditës së sotme janë njoftuar se në një lokal në lagjen “Mark Lula” Shkodër, ka një konflikt me armë zjarri.

Menjëherë në vendngjarje kanë mbërritur shërbimet e policisë të cilët kanë konstatuar se, shtetasi Arjan Gjeta, pas një konflikti për motive të dobëta me shtetasin E.P. 26 vjeç, banues në Shkodër, dyshohet se ka gjuajtur me armë zjarri në lokal ku ndodheshin edhe klientë te tjerë dhe është larguar, duke shkaktuar vetëm dëme materiale.

Shërbimet e Drejtorisë Vendore të Policisë Shkodër në bashkëpunim me shërbimet e Komisariatit të Policisë Shkodër, në bazë të njofimit të marrë dhe si rezultat i vlerësimit të ngjarjes, në kohë rekord bënë të mundur identifikimin e autorit të dyshuar, lokalizimin e tij dhe arrestimin në flagrancë, konkretisht shtetasi Arjan Gjeta, 42 vjeç, banues në Shkodër

Gjithashtu gjatë kontrollit të ushtruar në banesë, iu gjet 1 armë zjarri automatike dhe 1 krehër me 8 fishekë, të cilat u sekuestruan në cilësinë e provës materiale.

Materialet proceduriale do ti referohen Prokurorisë së Rrethit Gjyqësor Shkodër për veprat penale “Vrasje e mbetur në tentativë” dhe “Prodhimi dhe mbajtja pa leje e armëve dhe muncioneve luftarake”.





Lajmet e fundit nga