web counter
LEXO PA REKLAMA!

SHKARKO APP

App Store
Google Play

Tensione në Komisionin e CEZ/ Ristani i mbyll mikrofonin Ballës

15 Shkurt 2017, 16:34, Aktualitet CNA

Komisioni Parlamentar për hetimin e çështjes së CEZ ka degjeneruar në përplasje mes kreut të saj Taulant Balla dhe përfaqësuesit të opozitës, deputetit Arben Ristani.

Ditën e sotme ishte parashikuar për të tretën herë marrja e dëshmisë së Shkëlzen Berishës, por ky i fundit ka njoftuar se ndodhej jashtë shtetit.

Për këtë arsye, Kryetari i Komisionit Hetimor të CEZ, Taulant Balla, ka thënë se Shkëlzen Berisha tallet me komisionin duke mos u paraqitur.

Por kjo gjë nuk i ka shpëtuar Arben Ristanit, i cili tha se Balla ka konflikt interesi me dëshmitarin Berisha.

Duke diskutuar një shkresë të Komisionit Hetimor, situata është tensionuar.

Deputeti Arben Ristani i ka mbyllur mikrofonin Taulant Ballës, duke i kërkuar të mos ndërhyjë në momentin që ai flet.

Pas kësaj, Ristani është çuar nga karrigia dhe është larguar nga salla.

Biseda e plotë:

Ristani: E vërteta është kjo. Është bërë një transaksion 2009-n dhe është marrë një masë në 2017-n. Tetë vjet më vonë.

Balla: Ke qenë ti në pushtet.

Ristani: Shteti ka vazhdimësi dhe nuk ka lidhje me pushtetin. Vëre pak vathë në vesh. Në këto raste hyn afati i parashkrimit. Unë nuk marrë në mbrojtje askënd.

Balla: Pse bën avokatin?

Ristani: Mos më ndërhyj kur flas.

Balla: Pse bën avokatin e Nue Kalajt? Çfarë të lidh ty që bën avokatin. Unë thuaj, kam marrë në mbrojtje atë që ka vjedhur 6 mln euro?

Ristani: Do më lësh të flas? Ka mundësi ta mbyllësh mikrofonin?

Ristani ngrihet dhe i fik mikrofonin Ballës.

Balla: Këtë mbledhje e drejtoj unë.. /CityNews

 





Lajmet e fundit nga