web counter
LEXO PA REKLAMA!

SHKARKO APP

App Store
Google Play

Skandali/ Plehrat italiane mësyjnë në portin e Durrësit

15 Shkurt 2017, 20:24, Aktualitet CNA

Dogana italiane e Barit në bashkëpunim me Rojen Italiane të Financës sekuestroi një kamion me tetë ton plehra ndotëse të deklaruara si pjesë këmbimi të përdorura për automjete. Në kamionin e vendosur nën sekuestro kishte parakolpe mjetesh në gjendje shumë të keqe teknike, bateri të dala jashtë përdorimit, kabllo elektrike, amortizatorë me vaj hidraulik ndotës, pompa, frena dhe airbegë të përdorur.

Sipas ligjit italian këto pjesë këmbimi konsiderohen plehra ndotëse, nëse nuk janë bonifikuar paraprakisht dhe nuk u janë hequr vajrat problematike duke u demontuar në impiante demontimi sipas normave ligjore.

Malli (plehrat ndohtëse) dhe mjeti u sekuestruan. Përfaqësuesi ligjor i kompanisë, që do i eksportonte këto plehra nga Bari drejt Durrësit, u kallëzua penalisht për trafik plehrash ndotëse dhe deklarim fals për bonifikimin (cndotjen e plehrave të tilla).

Importi i plehrave në Shqipëri

Maxhoranca ka muaj, që po tenton të kalojë një ligj në parlament për importimin e plehrave me sebepin e përdorimit të tyre si lëndë e parë për industrinë shqiptare të riciklimit. Ky trafik plehrash ndotëse në Portin e Barit, që dështoi për shkak të vigjilencës së doganës italiane, duhet tu hapë sytë shqiptarëve. Bashkëatdhetarët e mi duhet të kuptojnë se cfarë ?lëndësh të para? për industrinë ricikluese do të vërshojnë nëpërmjet Portit të Durrësit duke ?përmbytur? Shqipërinë, duke ndotur mjedisin dhe duke shkatërruar shëndetin e shqiptarëve të ngratë.

NGA  GJERGJ THANASI

Linku: http://www.baritoday.it/cronaca/porto-traffico-ricambi-auto-italia-albania-scoperta-denuncia-13-febbraio-2017.html





Lajmet e fundit nga