web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen debatet në grupin e PD/ Deputetët kërkojnë daljen nga parlamenti. Bregu kundër bojkotit

16 Janar 2017, 13:34, Aktualitet CNA

Kryetari i Partisë Demokratike ka informuar grupin parlamentar në lidhje me memorandumin e nënshkruar me aleatët në lidhje me kushtet për zgjedhjet e ardhshme parlamentare.

Në diskutimet e sotme në grupin e PD, deputeti Genc Ruli është shprehur se data e zgjedhjeve duhet të shtyhet për të garantuar normalitet në votime.

?Për të pasur zgjedhje normale ja vlen të shtyhet data e zgjedhjeve?-mësohet të ketë thënë Ruli.

Deputeti Aldo Bumçi ka theksuar nevojën e përgatitjes së një varianti për këtë çështje.

?Duhet të përgatisim variantin tonë dhe nëse e nisim aksionin duhet ta përfundojmë?– ka thënë ai.

Ndërkohë, deputeti Edmond Spaho ka propozuar që PD të dalë nga parlamenti për të ushtruar presion.

 ?Të dalim nga parlamenti për presion, kemi memorandum me 22 parti?– tha ai.

Nga ana tjetër, deputetja Majlinda Bregu ka deklaruar se pavarësisht memorandumit me aleatët barra është e Partisë Demokratike. Ajo u shpreh se nuk është për bojkotin e parlamentit dhe ngriti pyetjen nëse PD është gati për protesta.

?Jo 22 parti, por 52 të jenë aleatët tanë, barra është e jona. Unë nuk jam për të dalë nga parlamenti. A jemi të sigurt se jemi gati për protesta??, tha Bregu





Lajmet e fundit nga