web counter
LEXO PA REKLAMA!

SHKARKO APP

App Store
Google Play

“Shpërthen” shkrimtarja: Në Shqipëri je i mbrojtur vetëm në ëndrra!

16 Janar 2017, 12:51, Aktualitet CNA

Shkrimtarja Flutura Açka, e njohur për kritikat dhe sulmet e ashpra ndaj qeverisë, duket se e ka nisur edhe këtë vit me po të njëjtin qëndrim.

Në një reagim në rrjetet sociale, Açka shkon deri aty sa shprehet se në ditët e sotme, në vendin tonë, i mbrojtur je vetëm në ëndrra.

Shkrimtarja shkruan se është censuruar shumëherë nga mediat, që ajo i quan qeverilëpirëse, por prapë do vazhdojë të shkruajë çfarë i do kokrra e qejfit.

Ja çfarë shkruan aktorja Açka:
Në kohëra të dyshimta – si kjo sot për fjalën e lirë, të shkërrmoqjes në sytë tanë të medias si pushtet superan mbi çdo pushtet në demokraci, e cila flet përditë per Vetting të politikës dhe gjyqësorit, pa një mea culpa për vilat dhe jetën përrallore që ia fali me dorëzani dhe bujari politika – i mbrojtur je veç në ëndrra. Dhe një ëndërr të tillë kam zgjedhur për veten, ose zgjodhi Zoti a fati për mua: prozën. Shpresoj këtë pranverë të takohemi aty. Me këtë nuk po them se kam frikë të shkruaj çfarë ma do kokrra e qejfit. Edhe pse jam censuruar disa herë keta tre vitet e fundit nga kolegë të mi në media, që nuk kanë mundur dot të më artikulojnë një arsye bindëse për censurën, edhe pse jam përbaltur me shkrime të porositura nga politika në faqe të para gazetash (qeverilëpirëse), edhe pse jam lënduar me epitete gati rraciste nga qerotazra lehës hije të çdo kryeministri te radhës, këtu, në këtë ëndërr REALE, nuk hyjnë dot. Ky është pyshteti im personal superan, përpara të cilit jeta më duket hiçmosgjë, dhe prej nga ku, për censurën politike nuk më kërrcet kurrizi. (Edhe pak më poshtë). Një javë të bukur paçi!/Citynews





Lajmet e fundit nga