E fundit!

07:15 Sociale

Rriten temperaturat/ Moti për ditën e sotme

Ditën e sotme vendi ynë do të mbetet nën ndikimin e masave...

Ilir Meta show paraelektoral/PS-LSI cilat janë pseudo betejat e fundit?

21 Dhjetor 2016, 08:32, Aktualitet CNA

Ilir Meta dhe LSI kanë filluar të largojnë nga vetja kostot e qeverisë të Rilindjes. Kanë ndarë së bashku 4 vite pushtet, gjithçka e kanë firmosur, vulosur dhe votuar së bashku por në fund Ilir Meta, kërkon të ketë sa më pak kosto nga ?reformat? e Edi Ramës.

Për të shmangur çdo kosto në vota, ai përpiqet të flirtojë me PD-në dhe Lulzim Bashën, por të qëndrojë fort i kapur pas pushtetit dhe qeverisë me Edi Ramën.

Një lojë që Ilir Metës i duhet për të qenë sa më konsensual, reformator por edhe kritik me kostot e qeverisë, instrumenta këto që do ti përdorë në fushatë elektorale. Ai do flasë për të gjitha kritikat e tij dhe konsensusin që gjeti për reformën në drejtësi. Në fakt për të gjitha rastet e levizjeve antipopullorë të Edi Ramës ka votuar pro, dhe për reformën në drejtësi ka qenë një nga njerzit që luftoi për ta rrëzuar.

Por këto janë veprime dhe aksione politike, aksioni publik e detyron që tashme të kalojë në disa veprime të reja paraelektorale.

Prej disa kohësh ai ka nisur kontestimet ndaj ligjeve të qeverisë. Mban një qëndrim as mish e as peshk. As pro e as kundër, por në parlament shkon e voton në rrjesht. Këto ligjet e fundit duke qenë se janë pa vlerë dhe pa kosto ai mund ti votojë dhe kundër për ti pasur si flamur gjatë fushatës elektorale.

Në fakt është e qartë se përplasjet PS-LSI këto kohët e fundit për sytë e shqiptarëve kanë qenë të mëdha. Por njëra dorë lan tjetrën, të dyja lajnë fytyrën e Rilindjes.

LSI ka shprehur kundërshtitë e saj ndaj taksës së akcizës së gazit të lëngshëm, ndaj koncesionit të laboratorëve të analizave, ndaj pullave fiskale për barnat e deri tek kritikat në lidhje me vonesat e punës së komisionit të reformës zgjedhore.

Disa nga këto janë pazare të mbyllura më parë më kryeministrin Rama dhe janë vetëm show, asgjë më shumë, për sa kohë qëndron në qeveri dhe del në koalicion elektoral me PS-në, kjo tregon se të gjitha janë shashka, për të ruajtur një identitet politik që mund ta shfrytëzojë në fushatë, për të qenë disi ndryshe nga socialistët. Në fakt nuk ka asnjë ndryshim është gati gjysma e pushtetit të Rilidjes, asgjë më pak e as më shumë./Citynews