Në vend të një letre ambasadorit Lu/Koha për gjuetinë e peshkaqenëve, jo të peshqve

14 Dhjetor 2016, 11:13, Aktualitet CNA

Ambasadori i SHBA-ve në Tiranë, sot reagoi ashpër ndaj policisë dhe prokurorisë për arrestimin e Klement Balilit të quajturit ?Eskobari? i Ballkanit. Një ish-drejtor i LSI në qytetin e Sarandës.

Lu ishte mjaft i ashpër në qëndrimin e tij dhe foli më tej edhe për arrestimin e ?peshqve të mëdhenj? siç i quajti ai.

Në fakt zoti ambasador me autoritetin dhe imunitetin e tij thotë të vërteta me zë të lartë. Nuk ka nguruar të flasë për Emiljano Shullazin, tani Klement Balilin, ?peshqit e mëdhenj”, drejtësinë e korruptuar, shtetin që mbështet krimin etj.

I nderuari z. Lu sot ka berë një gabim në artikulimin e tij, duke përdorur shprehjen ?kapjen e peshqve të mëdhenj?. Zoti amabasador besoj e di mjaft mirë që në Shqipëri, nuk ka peshq të mëdhenj, në rast se nuk e di po ja shkruajmë publikisht. Në Shqipëri ka “peshkaqenë” që hanë çdo lloj pëshku që i del përpara. Por nga ata peshkaqenët e mëdhenj që nuk ngopen edhe kur kullifisin një njeri.

Peshkaqenët tanë nuk janë pak, kemi me shumicë, kanë qenë ministra, kanë qenë drejtora, janë ministra, janë drejtora. Qeveria mban rekod, opozita ka plot brenda, disa i ka bërë sekretarë.

Le të them dhe unë ca emra. A mund të quhet peshk i madh drejtori i O mbledhje-_-qeverie-ok SHEE, ai është peshkaqen i madh, miliona euro tendera me 99.99% të vlerës edhe me një ofertues. Procedura është e rregullt gjithmonë. Po drejtori i rrugëve, ARRSH mund të quhet peshk i madh? Po ai i patentave, po drejtorët e ilaçeve? Po ata të policisë që mbuluan vendin me drogë mund të quhen peshq? Po ca gjykatës e kryetarë gjykatash, disa në Korçë i kam shkruar edhe më parë. Këta janë peshkaqenët e tufës, po janë ca të tjerë edhe më të mëdhënj.

Ka peshkaqen më të madh se Ilir Beqja, qindra milionë euro koncesione që na i shet edhe si sukses. Po Damian Gjiknuri, është një lloj peshkaqeni që çtë të them. Po ky Ministri i Brendshëm i kanabizimit, sa kafshon ai. Ato drejtoreshat e tatimeve dhe doganave që ikën e bënin si pjeshka? Po Haxhinastoja, 7 vjet ministër, sa me Saliun sa me Ramën. Janë shumë pa fund.

Për ta mbyllur po të tregoj dy kryepeshkaqene. Një e takove përpara dy ditësh, tjetrin sot në mengjes. Njëri është kryetar kuvendi. E ka emrin Ilir Meta, ai vërtet ka një problem të madh, por ja kalon për nga madhësia, egërsia dhe kafshimi Edi Rama, ai që takove në mengjes. Se tufa ka dy kryetarë të mëdhenj, po shumë të mëdhenj. Keta janë dy kryepeshkaqenët e Shqipërisë, prandaj ju lutem zoti ambasador mos ngatëroni peshqit me peshkaqenët. Ju ndoshta kërkoni gjuetinë e “peshqve të mëdhenj”, por besoj se është koha për gjuetinë e peshkaqenëve. Peshkaqeni e ha peshkun e madh./Elvi Fundo-Citynews