web counter
LEXO PA REKLAMA!

SHKARKO APP

App Store
Google Play

E fundit!

x

Negociatat/ CDU-CSU: Shqipëria të përmbushë të gjitha kriteret

13 Dhjetor 2016, 19:05, Aktualitet CNA

Grupimi më i madh politik në Gjermani CDU-CSU u shpreh në lidhje me negociatat e Shqipërisë me BE-në.  Ky grupim shprehet se Gjermania ka theksuar në mënyrë të përsëritur se Shqipëria duhet të përmbushë të gjitha kriteret për anëtarësim.

Zëdhënësi për politiën e jashtme të këtij grupi parlamentar, Jurgen Hardt theksoi se reforma në drejtësi është prioriteti kryesor, ndërsa ka shprehur shqetësimin edhe për krimin e organizuar dhe trafikun e drogës.

Deklarata e CDU-CSU

?I rëndësishëm është sundimi i ligjit dhe funksionimi i mirë i parlamentit, qeverisë dhe administratës publike. Gjyqësori të jetë i pavarur nga ndikimet politike. Në listën e prioriteteve është reforma zgjedhore, depolitizimi i administratës, të drejtat e pronësisë dhe respektimi i te drejtave te njeriut? thuhet në deklaratën e grupimit CDU-CSU në Gjermani.

Ministrat e Jashtëm të vendeve anëtare të Bashkimit Europian ranë sot dakort me rekomandimin e Komisionit Europian për hapjen e bisedimeve me Shqipërinë. ?Zëri i Amerikës? ka zbardhur deklaratën për Shqipërinë të ministrave të Jashtëm të BE, ku theksohet qëndrimi pozitiv i Këshillit për rekomandimin e KE për negociatat.

?Shqipëria aspiron që të jetë anëtare e Bashkimit Europian. Gjermania ka theksuar mbështetjen e saj në mënyrë të përsëritur. Megjithatë, vendi duhet të përmbushë të gjitha kriteret për anëtarësim. Për miratimin nga Gjermania, grupi parlamentar CDU-CSU në Bundestag ka përcaktuar një listë me prioritete.

Kërkesa kryesore është zbatimi i plotë i reformës në drejtësi, tashmë i miratuar. Vetëm atëherë mund të sigurohemi se gjyqtarët janë profesionistë dhe me integritet. Në këtë kontekst është e domosdoshme që rreth 800 gjyqtarë dhe prokurorë do t?i nënshtrohen procedurës së verifikimit. Nëse rezultojnë të korruptuar, nuk do të miratohen që të qëndrojnë në sistemin gjyqësor. Pasuria e tyre duhet të verifikohet gjithashtu.

Grupi CDU-CSU shpreh shqetësimin edhe për përparimin e ngadalshëm në luftën kundër krimit të organizuar dhe trafikut të drogës. Para se BE të miratojë hapjen e negociatave për anëtarësimin e Shqipërisë, prodhimi dhe trafiku i drogës në vend duhet të ulet në mënyrë dramatike.

Gjyqësori duhet të jetë i pavarur nga ndikimet politike dhe të mos jetë objekt i asnjë kontrolli politik.

Asnjë mandat deputeti apo zyrtari të qeverisë nuk duhet të ekzistojë nëse ndaj tij ka urdhër-arresti apo tashmë është dënuar.

Të tjera pika në listën e prioriteteve janë reforma në sistemin zgjedhor dhe administratën publike, respektimi i të drejtës së pronës dhe respektimi i të drejtave të njeriut.

Shqipëria nuk duhet të pësojë rënie në rrugën drejt Bashkimit Europian. Para se Bundestagu të jetë dakord për hapjen e negociatave, duhet të plotësohen shumë kushte. Megjithatë, Shqipëria mund të mbështetet kurdoherë në përkrahjen e Gjermanisë dhe të grupi parlamentar CDU-CSU?.





Lajmet e fundit nga