web counter
LEXO PA REKLAMA!

SHKARKO APP

App Store
Google Play

Borxhi i qeverisë po vuan nga oferta ne lekë/Interesi i obligacionit 7 vjeçar u rrit 1 pike%

8 Dhjetor 2016, 10:45, Aktualitet CNA

Huamarrja e brendshme e qeverisë po vuan pasojat e një ofertë të vakët në lekë, e cila po i çon interesat për lart.

Me datën 5 dhjetor qeveria emetoi obligacionin 7 vjeçar, interesi i të cilit rezultoi 5.98 për qind. Ky normë është mbi 1 pikë përqindje më  i lartë se ankandi i të njëjtit maturim që u zhvillua në shtator, ku interesi ishte 4,89%.

Siç shihet nga të dhënat e ankandit rritja e interesave u nxit oferta më e ulet e bankave ndaj kërkesës së qeverisë. Bankat ofruan 1.3 miliardë investime ne letrat e borxhit 7 vjeçar të qeverisë, teksa  qeveria kishte kërkuar 1.5 miliardë lekë. Së fundi qeveria ka pranuar të financohet me vetëm 995 milionë lekë për të shmangur interesat e larta që u ofruan në ankand nga pjesëmarrësit.

Për të shmangur kostot të rritje të financimit të borxhit të brendshëm qeveria po përdor instrumentin e financimit në valutë. Me datën 30 nëntor qeveria realizoi me sukses ankandin e obligacionit dyvjeçar me vlerë 35 milionë euro, ndërkohë që oferta e bankave ishte mbi 90 milionë euro. Mirëpo qeveria duke grumbulluar likuiditet në valutë për financimin e borxhit të brendshëm rrezikon nëpërmjet kursit e këmbimit. Por gjithsesi momentalisht kursi i këmbimit është i favorshëm, por nëse leku dobësohet në vijim kostot e këtij obligacioni rrezikojnë të rriten në vitin e dytë të maturimit.

Rritja e yield-eve ka qenë e përgjithshme, por ajo është shfaqur më e fortë në maturitetet 2-, 7- dhe 10-vjeçare, çka është materializuar në rritje të nivelit dhe të pjerrësisë së kurbës së interesave.

Pjesëmarrja e bankave në ankande është zvogëluar dhe titujt me interes fiks, të cilët kanë njohur ulje më të madhe të kërkesës së bankave. Yield-i i obligacionit 2-vjeçar u ngjit në 2.03% në muajin shtator dhe 2.70% në muajin tetor, nga 1.50% në muajin qershor./Monitor





Lajmet e fundit nga