Skandali/Gjykatësit caktojnë avokatë kryesisht familjarët e tyre

8 Dhjetor 2016, 08:45, Aktualitet CNA

Emisioni investigativ ?Fiks Fare? denoncoi një javë më parë rastin e një avokateje të caktuar kryesisht nga gjykata, e cila i kërkoi para një qytetari për ti zgjidhur çështjen në favor.

Avokatja Alma Zyba, u ka kërkuar 50.000 lekë familjarëve të një të arrestuari, me qëllim për ta përfaqësuar në gjykatë, por sipas ligjit shpenzimet e avokatëve kryesisht mbulohen nga shteti dhe ata nuk duhet t?u kërkojnë të holla të arrestuarve apo të pandehurve.

Në nenin 11 të ligjit për profesionin e avokatit, thuhet se shpërblimi për punën e kryer caktohet nga gjykata ose prokuroria, kur ai është caktuar kryesisht ose kur personi i mbrojtur ose i përfaqësuar nuk ka mundësi financiare dhe ndihma ligjore për të është falas.

Citynews investigoi në lidhje me raste të tjera të ngjashme, kur avokatët caktohen kryesisht nga shteti dhe kërkojnë para nga klientët e tyre. Raste të tilla janë të shumta dhe se skema e këtij skandali shtrihet edhe më gjerë.

Burimet i thanë Citynews se janë me dhjetra avokatë të cilët caktohen kryesisht nga gjykata në shumicën e rasteve kanë lidhje familjare ose miqësore me gjykatësit apo prokurorët e çështjeve. Këta gjyqtarë dhe prokurorë, i kanë nipër, kushërinj apo ndajnë lekët me këta avokatë që i caktojnë kryesisht.

Skandali shkon edhe tek fakti tjetër se gjykata edhe në çështje kur vetë i pandehuri i ka mundësitë financiare për të përballuar avokatët i cakton ata kryesisht. Janë të shumta rastet kur të pandehurit kanë pasuri të patundshme apo qindra mijëra euro pasuri në bankë, por në gjykatë përfaqësohen me avokatë kryesisht.

Avokati është i afërmi i gjykatësit që bën dy role, mbrojtësin dhe sekserin dhe merr dy pagesa, një nga shteti e një nga i pandehuri. Pagesa nuk i lejohet dhe është shkelje e ligjit, por ashtu siç u denoncua edhe në ?Fiks Fare?, raste të tilla janë të shumta dhe të përsëritura në gjykatat tona. Kjo i garanton sekserin e sigurt pranë gjykatësit.

Si në rastet e korrupsionit duke marrë lekë nga të pandehurit edhe pse janë të caktuar kryesisht, është edhe skandali i emërimit të këtyre avokatëve kur ata kanë lidhje familjare me gjykatësit e çështjeve të cilët favorizojnë të afërmit e tyre apo ju japin të pandehurve avokate kryesisht kur ata kanë mundësi financiare.

Citynews ka investiguar disa raste që do ti sjellim ne vijim. Ato fillojnë nga gjykatat e faktit dhe perfundojnë tek klintelizmi në gjykatën e lartë/Citynews