web counter
LEXO PA REKLAMA!

SHKARKO APP

App Store
Google Play

E fundit!

x

Nishani: Ja marrëdhënia ime me kryeministrin Edi Rama

7 Dhjetor 2016, 22:22, Aktualitet CNA

Presidenti Bujar Nishani, i cili nuk e ka fshehur ambicien për një mandat të dytë në krye të shtetit, është i ftuar në studion e Tonight Ilva Tare, në një intervistë për të gjithë përvojën e tij 5 vjeçare në krye të shtetit. Ai ka folur edhe për marrëdhëniet e tij me kryeministrin Edi Rama. Ai shprehet se këto marrëdhënie janë thjesht institucionale.

Tare: Si i keni marrëdhëniet me Kryeministrin?

Nishani: Institucionale. Në çdo rast që qeveria dhe parlamenti ka nevojë për angazhimin ligjor të Presidentit nuk do të mungojë dhe nuk ka munguar.Nëse janë 20 ligje të rrëzuara janë 500 të tjera të miratuara.

Më tej, Nishani foli edhe për akuzat e kryeministrit për ndjekjen e axhendës së Partisë Demokratike.

Tare: Akuzat e Ramës për ndjekje të axhendës së PD.

Nishani: Është akuzë politike që e ka bërë kur ka ardhur në detyrë për të krijuar përceptimin fals që ky institucion duhet mennjanuar për faktin se nuk është institucion në kontrollin e qeverisë.

Tare: Ka pasur përputhje të axhendave tuaja me PD. Ligji për mbetjet, parku.

Nishani: Çështja e ndërtimit tek Parku nuk ka të bëjë me ligjet që kanë rënë ndesh me Kushtetutën. Natyrisht që mund të ketë përputhshmëri me opozitën, ka qëlluar që është PD. Lidhur me parkun, ka qenë qëndrim publik i Presidentit në përgjigje të një interesi të qytetarëve. Presidenti nuk ka bërë ndonjë gjynah të madh që ka pritur në zyrë qytetarët për ti dëgjuar. Për këtë akt Presidenti u anatemua. Individët që e kundërshtun kanë qenë dhe kundërshtarë të opozitës. Nëse fryma e tyre është përputhur me PD nuk është ndonjë herezi. Nuk e inspirova unë protestën, nuk kërkova takimin, por nuk mund të injorojë kërkesën. Ndërtimi i parkut tek liqeni është në rendin e ditës të një prej institucioneve shumë të rëndësishme të Kombeve të Bashkuara.





Lajmet e fundit nga