web counter
LEXO PA REKLAMA!

SHKARKO APP

App Store
Google Play

Dervishaj takim me Shoqatat e Transportit Ndërqytetas/ Riorganizim dhe rinovim të autobusëve

23 Nëntor 2016, 14:45, Aktualitet CNA

Ministri i Transportit dhe Infrastrukturës Sokol Dervishaj ka pritur ditën e sotme kryetarin e Shoqatës Kombëtare të Transportit Ndërqytetas Kujtim Mema dhe Marenglen Poreçin, kryetar i Shoqatës së Transportit Rrugor të Udhëtarëve.

Fokusi i këtij takimi ishte reforma në Transportin Ndërqytetas dhe problematikat që kanë operatorët.

Dervishaj u shpreh se Ministria është në dijeni të problemeve që ka ky sektor, dhe ofroi bashkëpunimin për ti tejkaluar.

Ai kërkoi gjithashtu bashkëpunimin e të gjithë operatorëve por edhe mirëkuptimin e tyre, për ta aplikuar në tërësi paketën ligjore.

Duke u ndalur te çështja e vjetërsisë së autobusëve, Ministri tha se operatorët duhet të kenë një organizim më të mirë dhe të rinovojnë flotën e autobuzëve që kanë në përdorim.

?Është koha për  më shumë disiplinim në sistemin e Transportit Ndërqytetas, dhe duhet të rritet cilësia e shërbimit ndaj udhëtarëve, një nga arsyet kryesore e implementimit të kësaj reforme?, tha Dervishaj.

Përfaqësuesit e Shoqatave të Transportit, ngritën shqetësimin për mungesën e terminaleve të autobuzëve, duke kërkuar nga Ministria që të ushtrojë më shumë ndikim ndaj bashkive për të ndërtuar terminalet e reja. /Citynews





Lajmet e fundit nga