web counter
LEXO PA REKLAMA!

SHKARKO APP

App Store
Google Play

Ekzekutimi i dy kushërinjve lezhjanë në Milano/ Çfarë tregojnë tabulatët telefonikë

14 Nëntor 2016, 11:51, Aktualitet CNA

Policia italiane ka ngushtuar pistat e hetimit për gjetjen e autorëve që ekzekutuan kushërinjtë shqiptarë, Agron dhe Alban Lleshaj, në periferi të Milanos pak ditë më parë.

Mediat italiane, duke iu referuar policisë, shkruajnë sot se ende nuk ka emër të të dyshuarve, por nga hetimet dyshohet se viktimat kishin lënë takim me ata që më pas i morën edhe jetën, duke i lënë të vdekur brenda makinës me breshëri plumbash.

Dy kushurinjtë, 29 dhe 36 vjeç, banues në Kanegrate të Italisë nuk ishin të panjohur në zonë. Policia i ka të skeduar si persona me precedentë penale.

Që pas ardhjes nga Lezha në lagjen Baggina, ku të dy jetonin në një apartament, ata u përfshinë në disa vepra kriminale, për trafik armësh, dhunë dhe trafik droge.

Policia e vendit fqinj po heton gjithë lëvizjet e dy shqiptarëve në zonë, në vijim të hetimeve policore për përfshirjen e tyre në trafik droge dhe një larje e mundshme hesapesh.

Policia ka tashmë në dorë tabulatet telefonike të viktimave, pasi në to janë sipas saj edhe emrat e autorëve.

?Takimi i së enjtes në mbrëmje, i fundit i kushërinjve Lleshaj, është padyshim takimi mes tyre dhe vrasësëve?, thotë policia.

Ngjarja në fjalë ndodhi mesnatën e 10 dhe 11 nëntorit në rrugën ?Ancona? në periferi të Milanos. Fillimisht u mendua për aksident automobilistik, por më pas u që ishte një vrasje e karakterit mafioz. /Citynews





Lajmet e fundit nga