Basha: Rama 25 milionë $ për zyra/ Ahmetaj: Ky është buxheti që mbështet reformat

14 Nëntor 2016, 13:57, Aktualitet CNA

Kryetari i Partisë Demokratike Lulzim Basha, komentoi ditën e djeshme projekt-buxhetin e vitit 2017, të propozuar nga qeveria.

Përmes një postimi në rrjetet sociale, Basha thekson se Rama ka ndarë 25 milionë dollarë për zyra dhe mobilim zyrash. Sipas tij, kjo shumë i shtohet qindra milionave të tjera, të shpenzuara për fasada.

?Edi Rama ka ndarë 25 milionë dollarë për zyra dhe mobilim zyrash në buxhetin e vitit 2017. Kjo shumë marramendëse për një vend si Shqipëria i shtohet qindra milionë dollarëve të tjerë të harxhuar këto tre vjet për fasada, zyra dhe kolltuqe nga Edi Rama?, shkruante dje Basha.

Ndërsa sot ka ardhur edhe kundërpërgjigja e ministrit të Financave Arben Ahmetaj.

Sipas tij, ?Shqipëria e ka lënë pas gropën e thellë ekonomike ku e la Sali Berisha. Buxheti 2017 shpërblen sakrificën e qytetarëve dhe mbështetjen e tyre për reformat e vështira?.

Reagimi i plotë i ministrit Arben Ahmetaj:

Administratori i SHQUP-it doli dje para shqiptarëve për të ?denoncuar? sipas tij ?abuzimin 25 milionë dollarësh për zyra, fasada dhe kolltuqe në Buxhetin 2017?.

Për qytetarët, shpenzimet për rikonstruksione dhe pajisje në vitin 2017, janë 697 milione lekë, ose 100 milionë më pak se në vitin 2012, kur qeveriste SHQUP-i.

Shqipëria e ka lënë pas gropën e thellë ekonomike ku e la Sali Berisha. Buxheti 2017 shpërblen sakrificën e qytetarëve dhe mbështetjen e tyre për reformat e vështira.

Buxheti 2017 është buxheti që mbështet rritjen ekonomike ? nga 1% që e la qeveria e vjetër në 2013, në 3.8% në 2016, ose katër herë më shumë. E ftoj të lexojë me vëmendje raportin e fundit të FMN që thekson se Shqipëria vitin e ardhshëm do të rithehet të jetë ekonomia e parë, me rritjen më të shpejtë në rajon.

Buxheti që ul borxhin publik, e gjetën 58% në 2005 dhe e lanë, përfshirë risqet e fshehura, në rreth 83%. Në 2016, për herë të parë në 6 vitet e fundit, borxhi publik ka filluar uljen dhe në 2017, do ta ulim atë me rreth 3%, nga 71.8% në 69.1%.

Buxheti që mbështet reformat ? Buxheti 2017 parashikon rreth 20 miliardë lekë për financimin e reformave thebësore në ekonomi, reforma në drejtësi, reforma e administratës publike, reforma në shëndetësi, reforma e pronës, reforma e ujit, vazhdimi i reformës administrative-territoriale.

Buxheti i rritjes së pagave dhe pensioneve ? për herë të parë në 25 vite, brenda një buxheti të vetëm parashikohen plot 100 milionë dollarë për rritjen e pagave dhe pensioneve, në arsim, në shëndetësi, në policinë e shtetit, për ushtarakët, për punonjësit e administratës publike, për pensionistët.

Administratorit të SHQUP që ia mirëkuptoj dobësitë për projektet në transport dhe infrastrukturë, do t?i sqaroj cfarë ndodh me projektet në Buxhetin 2017 dhe cfarë ndodhte në 2013, kur ai dhe qeveria e tij ndërtonin rrugën e Kombit me faturë 1.4 miliardë euro dhe nuk e mbyllën, 1.4 miliardë euro nga xhepat e qytetarëve ashtu si shumë miliarda të tjera të cuara dëm, si asfalti i tij elektoral.

Buxheti 2017, si rrallëherë në një vit elektoral, parashikon 74.4 miliardë lekë per investime ku rreth 90.2% shkon për financimin e projekteve në vazhdim.

Nuk ka më rrugë të lëna rrugëve, projekte me vlera financimi prej miliona euro që hapen me shuma minimale dhe konsiderohen të mbaruara. Buxheti 2017 fokusohet në përfundimin e projekteve ekzistuese.

Në buxhetin e vitit 2013, vetëm me çeljen e projekteve të reja në shumën 1.6 milion lekë, u krijuan detyrime prej 24 miliard lekë, pa llogaritur këtu faturën e shpronësimeve, duke e cuar detyrimin e kontratave të lidhura për projektet me financim të brendshëm në zërat ndërtim rrugësh dhe sistemim-asfaltime, rreth 40 miliard lekë.

Është një listë e gjatë me të paktën 12 projekte me vlerë nga 25 milionë deri në 10 miliardë lekë, të cilat janë financuar në shuma minimale qesharake prej 100 mijë lekësh.

Projekti: Ndërtim i rrugës së Unazës së Jashtme Tiranë, pjesa verilindore(segmenti Kthesa Saukut-Bregu i lumit) loti 1,2 dhe 3. Vlera totale e projektit 10.2 miliardë lekë. Vlera e financuar në 2013, vetëm 300 mijë lekë.

Projekti: Ndërtim Rruga Banjë-Gramsh. Vlera totale e projektit 6.5 miliardë lekë. Vlera e financuar në 2013, vetëm 100 mijë lekë.

Këto janë vetëm dy shembuj të listës së gjatë të papërgjegjshmërisë së qeverisë së vjetër. Fatmirësisht për vendin dhe qytetarët shqiptarë, koha e qeverisë së vjetër ka mbaruar! /Citynews