“Albatrans”/ Si zhvillohej kontrabanda e cigareve në Shqipërinë komuniste

14 Nëntor 2016, 13:52, Aktualitet CNA

Në një libër të sapobotuar me titull ?Albatrans, Top Secret?, me autor Lorenc Nenshati, tregohet se si zhvillohej kontrabanda e cigareve në Shqipërinë komuniste.

Në libër tregohet gjithçka rreth funksionimit të ?Albatrans? pasi vetë autori I librit ka qenë drejtues I kësaj ndërmarrjeje shtetërore.

Ndërmarrja u krijua në vitin 1967, si një ndërmarrje tregtare, por drejtuesit e saj mbetën të habitur kur ajo do të kalonte në varësi të Ministrisë së Brendshme.

Vetë Enver Hoxha e ka pranuar që përmes Shqipërisë zhvillohej një kontrabancë ndërkombëtare cigaresh. Madje, pa ndërhyrjen e tij, kjo gjë nuk mund të ndodhte.

Ishte vetë diktatori komunist ai që pranoi propozimin e një hebreu të mbijetuar ndaj përndjekjes naziste, falë një familjeje shqiptare, për krijimin e një korridori të lirë kontrabande, me dalje në Adriatik, thuhet në librin e Lorenc Neshatit.

Kështu u krijua Albatransi, ndërmarrja tregtare, që më vonë do të kalonte në varësi të Ministrisë së Punëve të Brendshme.

Përmes saj, Shqipëria do të mund të shlyente ca borxhe, por jo vetëm kaq, ajo do të të kthehej në një llok ?agjencie inteligjente?, që do të thithte informacione të rëndësishme nga vendet perëndimore.

?Na pëlqente gjithashtu të kishim edhe një agjenci inteligjente, si kudo gjetkë. Donim që të ngjasonte, pak a shumë, me simotrat e tjera që përdorin shërbimet sekrete të shteteve të mëdha. Edhe këtu na pëlqente ideja, por që në formë e përmbajtje e denim vetë. Edhe kjo u ndërtua mbrapsht, u ndërtua me shijen tone sepse duheshin ruajtur të gjitha parimet ideologjike e moraliste tipike shqiptare?.

Kështë rrëfen Lorenc Nenshati, ish-drejtori I saj në vitet ?80, në librin e sapobotuar me titull ?Albatrans, Top Secret?.

Por Albatrans nuk e mori kurrë formën e një agjencie ?top-secret? pasi aktiviteti i saj nuk ishte legal, me qëllim që pika e zbulimit dhe punonjësit me detyra të dyfishta të ishin të mbuluar brenda aktivitetit legal të Albatrans-it. Por ishte një agjenci zbulimi sipas pikëpamjes së qeverisë së kohës.

Albatrans u krijua në vitin 1967 si një ndërmarrje që zhvillon aktivitet tregtar me partnerë të huaj për të tranituar cigare të huaja, kryesisht amerikane. /Citynews