E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Kastriot Myftaraj/ Pavarësia e Çamërisë u shpall në Hagë, sepse në Çamëri nuk kanë mbetur çamë që ta bëjnë këtë

5 Nëntor 2016, 17:07, Aktualitet CNA

Pavarësia e Kosovës u shpall tre herë në Kosovë, në 1990, 1992 dhe 2008, sepse atje kishte njerëz që ta bënin këtë.
Prandaj, pavarësia e Çamërisë nuk vlen as sa ajo e Kosovës, e shpallur në 1990.
Por edhe pavarësia e Kosovës e shpallur në 2008 nuk vlen më shumë se ajo e Çamërisë, e shpallur në 2016, sepse pavarësia e Kosovës u shpall me një emër shteti në gjuhën e pushtuesit serb.
Fjala ?Kosovë? është në serbisht.
Nuk ka shembull në botë që të shpallet pavarësia e një territori si shtet, duke u ruajtur emërtimi i tij në gjuhën e pushtuesit!
Ashtu siç nuk ka shembull në botë që pavarësia e një territori shpallet jashtë tij, sic u shpall pavarësia e Çamërisë.
Në rastin e Kosovës, shpallja e pavarësisë me emërtimin e pushtuesit për territorin, nuk ka kuptim tjetër veç atij që ajo bashkësi e banorëve të territorit që shpall pavarësinë, në këtë rast shqiptarët e Kosovës, pohon se ka ardhur në atë territor pas atyre që i quan pushtues, serbëve.
Kur nuk e ke emrin e territorit në gjuhën tënde, herët ose vonë do ta dorëzosh territorin, se nuk ke të drejtë legjitime mbi të.
Çka është më e keqja, me rastin e shpalljes së pavarësisë së Kosovës po duan që t? i bindin shqiptarët e Kosovës se tash duhet që të quhen kosovarë, edhe si emërtim kombëtar, për të fuqizuar pavarësinë e shtetit të ri.
Kjo do të thotë që shqiptarët e Kosovës të marrin edhe emërtimin kombëtar në gjuhën e pushtuesit, domethënë të bëhen më të varur prej Serbisë, jo më të pavarur.
Koha do të tregojë se pavarësia e Kosovës e shpallur në 2008 është një fiksion, jo më pak se pavarësia e Çamërisë e shpallur në 2016.
Madje, procesi i kosovarizimit të identitetit të shqiptarëve të Kosovës, do të bëhet shkak që Kosova të bëhet si Çamëria, tokë nga e cila janë dëbuar shqiptarët.
Pasi shqiptarët e Kosovës t? i bëjnë kosovarë edhe si identitet kombëtar, do t? i dëbojnë si njerëz pa identitet të vetin./Kastriot Myftaraj