E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Skandali-110 milionë euro që burrat të dalin me barrë e gratë me prostat/Kompania telefonike analiza profesionale falas tek privati

24 Tetor 2016, 13:38, Aktualitet CNA

Prej pak kohësh një nga kompanitë telefonike celulare në vend ka nxjerrë në treg një ofertë ku pasi ti bën një kontratë apo rimbushje me numrin tend të ofrohet një grup vizitash ose analizash falas.

Sipas të dhënave që morëm nga faqja zyrtare e kompanisë rezulton se, me një rimbushje prej 1000 lekësh fiton një paketë SILVER ku mund të bësh vizita mjekësore deri në fund të muajit pasardhës dhe shuma që rimbushni nuk ju preket. Ose paketa GOLD duke përfituar një set analizash që është më I madh se check-upi që kërkon qeveria vetëm në rast se ti bën rimbushje me 1000 lekë për tre muaj rresht.

Një kompani private telefonike ku shuma e rimbushjes në atë vlerë është një shpenzim thuajse mujor për shumicën e shqiptarëve por qoftë edhe si rimbushje njëherë ose për tre muaj do ju jepte një përfitim të madh abonentëve. Dhe me vetëm 1000 lekë bën vizita dhe me vetëm 3000 lekë bën analiza dhe shumën e parave e përdor për telefonatat dhe shërbimet që të ofrohen, ashtu siç e ke përdorur më parë.

Një kompani private telefonike këtë ofertë ta jep në bashkëpunim me Spitalin Amerikan dhe Hygeia, dy spitale private, të cilat bëjnë diferencën në treg me shërbimet dhe analizat e tyre. Ti nuk shkon dhe paguan tek spitali privat, atje kryhet shërbimi, pagesën e bën kompania private pasi ke bërë regjistrimin dhe rimbushjen.

Ajo që bie në sy është fakti se Ministria e Shëndetësisë së fundmi do të paguajë 11 milionë euro në vit që shqiptarët nga mosha 35-70 vjeç të bëjnë një check-up tek një kompani private pa asnjë lloj eksperience, e cila në fakt shet cigare, alkool, detergjentë, por bën të mundur edhe check up-in.

Një pyetje lind: Privati ta jep ofertë falas te privati, shteti ynë dhe qeveria merr disa thasë me lekë dhe shkon e ia çon firmës së Vilma Nushit, që në shumë raste analizat, sipas denoncimeve të bëra nga qytetarët, kanë rezultuar më shumë se skandaloze. Gratë kanë dale me prostat dhe burrat na kanë mbetur shtatzanë. Dhe për këtë qeveria jonë paguan 11 milionë euro në vit.

Do ti japë Vilmës 110 milionë euro për periudhën e koncensionit, ndërsa kompania telefonike me një rimbushje modeste të ofron vizita dhe analiza në dy spitale serioze, profesionale, me eksperiencë, me laboratorë modernë dhe përgjegjësi të lartë profesionale. Dhe këto të ofrohen falas sepse do ti paguajë një kompani telefonikle me një vlerë sipas marrëveshjes mes tyre. Mos vallë ndoshta do të ishte më mirë që qeveria këtë punë ta mbyllte duke marrë një ofertë nga kompanitë celulare dhe ti çonte qytetarët te private e jo të paguante 110 milionë euro për Vilmën?

Ndoshta e kemi të vështirë të gjejmë përgjigjen: Të jetë korrupsion vallë? Të jetë vjedhje që u bëhet taksave të shqiptarve? Të jetë një krim?

Qeveria jonë nuk bën të tilla kjo nuk diskutohet. Fajin e kanë kompanitë telefonike dhe spitalet private që ofrojnë të tilla shërbime dhe e lenë qeverinë me gisht në gojë, e cila nga halli që e ka zënë zgjat me 10 vite moshën për check-up e shton 5 milionë euro në vit, por sërish askush nuk shkon aty ku paguan qeveria me taksat tona, sepse burrat tani kanë frikë se mos dalin shtatzanë dhe gratë të sëmura me prostat. Këtë shërbim që kushton 110 milionë euro e paguajnë shqiptarët, koncensionin e ka dhënë kryeministri Rama.

Duam ta falenderojmë nga thellësia e zemrës ministrin Beqja, për ndershmërinë dhe shërbimin që na ofron. Nuk mund të lemë mënjanë edhe kryeministrin tonë vizionar që paguan 110 milionë euro kur mund ta bënte falas, ose të paktën të bënte zgjedhjen e kompanisë telefonike.

Fakti dhe ironia jonë preken nga shiptarët, lekët nga Vilma, ministry apo kryeministri./Citynews