web counter
LEXO PA REKLAMA!

SHKARKO APP

App Store
Google Play

E fundit!

x

Klientelizmi në universitete/ MAS më shumë kohë për regjistrime tek privati

11 Tetor 2016, 11:02, Aktualitet CNA

Favorizimi që i bën Ministria e Arsimit dhe Sortit universiteteve private duket qartë në udhëzimet e saj ku i lihen më shumë ditë në dispozicion universiteteve Lindita Nikolla vijon të favorizojë universitetet private në vend në dëm të atyre publike. Sipas Sot bëma e fundit e MAS lidhet me udhëzimin e regjistrimit të studentëve në Master. Nikolla me një udhëzim të publikuar pak ditë më parë në faqen e ministrisë, por të fshirë në mënyrë të pakuptimtë pas reagimeve që ka pasur në lidhje me këtë çështje, ka vendosur që studentëve që duan të ndjekin studimet Master në universitetet publike të kenë vetëm 4 ditë kohë për t?u regjistruar, ndërsa ata universiteteve private u lihen 6 ditë. Udhëzimi i MAS parashikon që aplikimet në universitetet publike për studentët që duan të ndjekin studimet Master bëhen nga data 7 në 12 tetor, ndërsa për ato private nga data 11 Tetor 2016 deri në 17 Tetor 2016.

Duke marrë parasysh edhe të shtunën edhe të dielën bankat, nëpërmjet të cilave do të priteshin faturat e regjistrimit, nuk punojnë, pra praktikisht studentëve për regjistrimin në universitetet publike u është lënë vetëm tre ditë. Ndërkohë atyre private u është lënë dyfishi i kësaj kohe. Në rradhë të tyre veprimeve klienteliste të Nikollës, e cila në vijimësi ka treguar një mbështetje dhe favorizim të universiteteve private në dëm të atyre publike është edhe udhëzimi i MAS, i cili mban datën  07.10.2016 të botuar në faqen e internetit të MAS-it nuk thuhet asnjë fjalë mbi kriterin e mbrojtjes së njërës prej 5 gjuhëve kryesore të Bashkimit Evropian, kriter i cili edhe ky hapi debate të mëdha.

Masakra ndaj universiteteve publike vazhdon më poshtë me pikën nr.2 të udhëzimit të MAS, ku përcaktohet se brenda datës 14 tetor 2016, IAL-të publike duhet të afishojnë listën e kandidatëve fitues, ndërsa brenda datës 18 tetor 2016 IAL-të jopublike. Favorizohen hapur universitetet private me më tepër kohë për të shpallur listat e fituesve në mënyrë që të gjithë studentët që nuk aplikojnë, apo nuk shpallen fitues në një universitet publik, të shkojnë drejt privatit. Ky është një nga të shumtët udhëzime klienteliste të MAS-it, e cila merr vendime në dëm të universitetit. /Citynews.al





Lajmet e fundit nga