web counter
LEXO PA REKLAMA!

SHKARKO APP

App Store
Google Play

E fundit!

x

Kapet një gomone me 734 kg kanabis në brigjet italiane/ Arrestohen 2 shqiptarët transportues

11 Tetor 2016, 10:52, Aktualitet CNA

Policia e Shtetit dhe Guardia di Finanza në një operacion të përbashkët mes tyre kanë arritur të ndalojnë një gomone 6 metra të gjatë me 734 kg kanabis. Në bordin e saj janë ndaluar edhe dy shtetas shqiptarë të cilët transportonin lëndën narkotike.

Kështu janë sekuestruar në Torre Chianca – Lecce, një gomone me 734 kg lëndë narkotike Cannabis Sativa. Policia e Shtetit njofton se, në orët e para të mëngjesit së ditës së sotme njësitë aerodetare të Guardia di Finanza pas sinjalizimeve të dhëna nga Policia e Shtetit kanë arritur të ndalojnë një gomone rreth 6 m, me dy shqiptarë me inicialet A.P. 43 vjeç dhe G.S. 39 vjeç në bord, të cilët transportonin rreth 734 kg Kanabis. Gomonia kishte dy motorë prej 250 Kuaj-fuqi dhe një tjetër motor rezervë në bord. Të ndihmuar nga njësia ajrore e Frontex me avion dhe helikopter të Guardia di Finanza është bërë i mundur ndalimi dhe sekuestrimi i gomones. Personat në bord janë arrestuar nga autoritetet policore italiane. Policia e Shtetit ka shkëmbyer në kohë informacion me GdF dhe po punohet bashkarisht për hetimin e ngjarjes. /Citynews.al





Lajmet e fundit nga