web counter
LEXO PA REKLAMA!

SHKARKO APP

App Store
Google Play

Spitallë dhe ish-Kënetë/ 5 fidra të rinj për furnizimin me energji për 20 mijë banorë

29 Shtator 2016, 16:34, Aktualitet CNA

OSHEE ka finalizuar një projekt më rëndësi për 20 mijë banorë të zonës së Spitallës dhe ish-Kënetës në Durrës. Falë investimit 1.5 milionë euro, ka përfunduar ndërtimi i 5 fidrave të rinj që dalin nga N/stacioni i Spitallës dhe lidhen në formë unaze me fidrat e N/Stacionit të Shkozetit. Me këtë investim reduktohen ndjeshëm humbjet dhe menaxhohet më mirë ngarkesa në rrjet. Mbi 20 mijë banorë në zonën e Spitallës dhe ish-Kënetës në Durrës nuk do të vuajnë më mungesën e energjisë elektrike. Garancia vjen nga Operatori i Shpërndarjes së Energjisë Elektrike, i cili ka përfunduar investimin për ndërtimin e 5 fidrave të rinj me dalje nga nënstacioni i Spitallës.

Administratori i OSHEE-së, Adrian Çela, tha se me këtë investim reduktohen ndjeshëm humbjet dhe menaxhohet më mirë ngarkesa në rrjet. ?Me këto fidera dhe me sistemin unazë që lidhen me nënstacionin e Shkozetit, qyteti i Durrësit do të ketë të garantuar cilësinë e furnizimit tashmë, do të ketë të garantuar numrin e difekteve që minimizohen?, tha Adrian Çela.

Për të përmirësuar furnizmin me energji elektrike, kryesisht në zonat turistike të Durrësit dhe Kavajës, kreu i OSHEE-së tha se po kryhen investime në ndërtimin e nënstacioneve të reja. ?Jo vetëm zgjidhje provizore, së shpejti fillon një nënstacion tjetër në Gjirin e Lalzit, nënstacioni pasohet edhe me rrjetin 20 kilovolt për të gjithë atë zonë tjetër turistike të Gjirit të Lalzit, nënstacioni i Shkozetit, Golemit, rritet fidra 20 kilovolt?, theksoi Çela.

OSHEE thotë se ka planifikuar investime të tjera për rajonin e Durrësit, ku më i rëndësishmi është ai për ndërtimin e katër fidrave të rinj në Shkozet sëbashku me rikonstruksionin e 65 kabinave me vlerë 4 milion euro. /Citynews.al





Lajmet e fundit nga