E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Letër e hapur e 8 personaliteteve/ Zgjidhja për bujqësinë është Agron Duka

29 Shtator 2016, 14:53, Aktualitet CNA

Ne, një grup njerëzish me përvojë të gjatë politike në funksione e parti të ndryshme, e ndoqëm me shumë interes zgjedhjen e z. Agron Duka si kryetar i ri i Partisë Agrare Ambientaliste. Secili nga ne kuptoi që ky ishte një lajm shumë i mirë për interesat e fshatit shqiptar, ku aktualisht jetojnë më shumë se gjysma e popullsisë së vendit. Agron Duka ka aftësitë dhe besueshmërinë e një ish-ministri të Bujqësisë, kombinuar me ato të një udhëheqësi bindës e karizmatik.

Duke parë vizionin e PAA-së për bujqësinë, fshatin dhe ambientin, ne kuptuam që nuk donim t?i mbështesnim këto ide vetëm nga larg, por të bashkoheshim me z. Duka dhe këtë parti me traditë, në misionin e qartë për të arritur zgjidhje të problemeve që kanë pllakosur këto çështje.

Koha për zgjidhje ka ardhur. Sepse bujqësia shqiptare është ende e prapambetur. Koha për zgjidhje ka ardhur, sepse mjedisi është në gjendje alarmante dhe, sikur kjo të mos mjaftonte, është në përkeqësim të vazhdueshëm, duke kërcënuar me pasoja fatale për mirëqenien dhe shëndetin e popullsisë shqiptare.

Ne besojmë se ka ardhur koha që mjedisi të shihet me seriozitet dhe që bujqësia shqiptare të kthehet në një shtyllë kryesore dhe të besueshme të zhvillimit ekonomik të Shqipërisë. Koha për zgjidhje ka ardhur. Kjo është arsyeja që ne vendosëm të ofrojmë përvojën dhe aftësitë tona për këtë projekt me z. Agron Duka dhe PAA.

Sot, kemi nevojë për një zhvillim rural të qëndrueshëm, që më shumë se 50% e popullsisë shqiptare e cila jeton në fshat të ketë një nivel jetese dinjitoz. Kemi nevojë të kapërcejmë prapambetjen disa shekullore të hapësirës rurale, që fatkeqësisht vazhdon ende, për ta nxjerrë atë nga mesjeta. Kemi nevojë për urbanizim të hapësirës rurale.

Sot, kemi nevojë që në tryezat tona të kemi ushqime cilësore, të shëndetshme e me përbërës dhe nivel cilësie të deklaruar, në të mirë të shëndetit të fëmijëve dhe të gjithë popullsisë.

Duhet të fuqizojmë turizmin rural e mjedisor si një nga dy boshtet kryesore, krahas atij detar, të turizmit shqiptar.

Koha për zgjidhje ka adhur. Ne besojmë që energjitë e reja të ekipit të PAA-së, përvoja 25 vjeçare e Partisë, dhe lidershipi i z. Agron Duka si personalitet i provuar e i rëndësishëm i jetës publike, përbëjnë rrugën drejt zgjidhjeve të këtyre çështjeve.

Ne jemi krenarë që jemi pjesë e këtij projekti politik, në shërbim të zhvillimit të bujqësië, si shansi i vetëm për zhvillimin real të vendit, dhe në shërbim të çështjeve të mjedisit, të cilat duhen futur në një logjikë moderne dhe realiste edhe në vendin tonë.

Ne besojmë se në zgjedhjet e vitit 2017 votuesit do ta kuptojnë rëndësinë e investimit drejt zgjidhjeve të këtyre çështjeve. Jemi të vendosur të kapërcejmë diferencat dhe llogoret e mëparshme partiake për të ofruar të gjithë përvojën dhe përkushtimin tonë, që ky projekt, nën drejtimin e z. Duka, të jetë fitues.

Genc Juka, Arben Tafaj, Marko Bello, Bujar Huqi, Gazmend Bizhga, Uran Metko, Thoma Miço, Arjan Jaupllari