E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia, familja. K...

Nga Elvi FUNDO/Pse Rama dhe Basha nuk bëjnë dot pa Metën?

25 Shtator 2016, 11:16, Aktualitet CNA

Zgjedhjet e ardhshme parlamentare janë tek dera. Koalicionet duken thuajse të konfiguruara. Skena politike pritet të ketë disa forca dhe lëvizje të reja politike, por në finale ajo ngelet tre polare.

Kjo pritet që në zgjedhje të na sjellë minimalisht 3 koalicione, ai i socialistëve më Çamët e Idrizi, Ilir Meta me disa parti të vogla të majta dhe të qendrës, dhe koalicioni i PD ku pritet të jetë Aleanca Kuq e Zi, Agrarët e Dukës dhe Republikanët e Mediut, Balli, Legaliteti ndoshta edhe Ndoka e ndonjë parti tjetër.

Në zgjedhje pritet të dalin edhe Gjergj Bojaxhi dhe Ben Blushi, parti që pritet të testohen, por ende nuk kanë dhënë asnjë shenjë që mund të jenë pjesë e këtyre tre koalicioneve. Blushi publikisht ka artikuluar se është kundër Ramës dhe Berishës, çka e nxjer nga dy koalicionet e mëdha, dhe e çon ose në një koalicion te tijin, ose tek Meta, ose thjesht një parti që kandidon jashte koalicioneve. Kjo e fundit është dizavantazh për partitë si Bojaxhi dhe Blushi pasi ju sjell humbje mandatesh. Me shumë gjasa Ben Blushi shkon në koalicion me Ilir Metën.

Duke parë këtë konfigurim në zgjedhje dhe duke analizuar disi balancat e sotme të parlamentit, por edhe duke parashikuar disi rezultatin me rezultate ekstremiste ne favor te te medhenjve, në çdo rast del se qeveri formuesi do jetë Ilir Meta. Janë të gjitha gjasat që kreu i LSI në rast se del në koalicion më vehte të ketë të rikonfimuara gati 20 mandate, megjithse targeti i tij është 30 si mundësi e artë për tu zgjedhur kryeministër.

Në çdo rast Ilir Meta duket të jetë çelsi i qeverisë së nesërm, mesi i artë që do e duan ta kenë të gjithë. Me 120 mandate të ngelura për të gjitha palet, duket se pa Metën askush nuk e bën dot qeverinë. PS dhe PDIU bashkë nuk i bëjnë dot 71 mandate, në rast se kjo do ndodhte do ishte katastrofë për opozitën e cila do të shkonte rreth 35%, sa në vitin ?97 që duket të jetë përtej imagjinatës dhe pritshmërive realiste. Duke parë ?reformat? antipopullore të qeverisë dhe ngopjen me lugë bosh, Rama mund të ketë një ulje mandatesh, por kjo nuk do të thotë se shkojnë në favor të PD e cila është ende e dobët përpara opinionit publik. Basha gjithçka do ta formatizojë përgjatë fushatës, por duket se ka një ushtri të shpartalluar dhe elitë mjaft të dobët.

Duke analizuar rezultatet historike, lëvizjet aktuale politike dhe pritshmëritë në zgjedhje del se të dy partitë e mëdha nuk e sigurojnë dot mazhorancën prej 71 votash me këtë sistem zgjedhor dhe Ilir Meta dhe LSI ngelet faktori kryesor. ?Demat? do përplasin brirët dhe Ilir Meta do presë ?me qetësi dhe dashuri?, kush del i pari dhe kush i ofron më shumë. Dhe të gjitha faktet po tregojnë se Rama nuk bën dot pa Ilir Metën, sido që të luajnë, me apo pa thika pas shpine.

Por edhe Basha nuk bën dot p[a Metën, ai mund të jetë një shans i tij që të shpëtojë ?lëkurën?. Humbjen në zgjedhje mund ta shmangë duke bërë koalicion me Ilir Metën në rast se PD do ketë të paktën 55 mandate. Kështu Basha shmang betejën brenda opozitës duke shpallur fitoren me largimin e Edi Ramës dhe ardhjen në qeveri. Sa do i zgjasë kjo qeverisje është për tu parë dhe pritur se kush do jenë vërtet koalicionet qeverisëse pas 2017.

Dhe duket mjaft e qartë, Rama dhe Basha nuk bëjnë dot pa Ilir Metën. Sistemi elektoral që e ndërtuan për ta zhdukur e forcoi më shumë. E duan apo jo kjo ska fare rëndësi, ata thjesht nuk bëjnë dot pa të.